#جاڭا قازاقستان

الەۋمەتتىك ماسەلە كۇن تارتىبىنەن تۇسپەيدى

– جاڭا سەسسيانىڭ اشىلۋىندا ءسوز سويلەگەن مەملەكەت باسشىسى ءبىر جىلدىڭ ىشىندە ەلىمىزدىڭ قوعامدىق-ساياسي ومىرىندە بولعان نەگىزگى وزگەرىستەرگە توقتالىپ, قوعامداعى باستاۋ العان رەفورمالاردىڭ ءالى دە جالعاسا بەرەتىندىگىنە  جانە بۇل وزگەرىستەر ساياسي قۇرىلىمدى جەتىلدىرۋ ءۇشىن قاجەت ەكەندىگىنە توقتالدى. ساياسي ۇدەرىستى دەموكراتيالاندىرىپ, ازاماتتاردىڭ مەملەكەتتى باسقارۋ ىسىنە قاتىسۋ مۇمكىندىگىن ارتتىرۋ كەرەكتىگىنە نازار اۋداردى. زاڭ شىعارۋشى بيلىك وكىلدەرىن بارىنشا ەل مۇددەسى ءۇشىن جۇمىلا جۇمىس ىستەۋگە شاقىرىپ, ولاردىڭ سايلاۋشىلار الدىنداعى جاۋاپكەرشىلىكتەرىنىڭ جوعارى ەكەنىن ەسكەرتتى. مەملەكەت باسشىسى دەپۋتاتتارعا ءبىر عانا ماڭىزدى مىندەت جۇكتەلەتىنىن, ياعني ءاردايىم وزگەرىس­تەردىڭ بەل ورتاسىندا بولۋ كەرەك ەكەنىن اتاپ ءوتىپ, ولاردى ماڭىزدى شەشىمدەر قابىلداۋدا ىسكەرلىك پەن جاۋاپكەرشىلىك جانە وتانشىلدىق قاسيەتتەرگە باسىمدىلىق بەرۋگە شاقىردى.

سونىمەن قاتار, پرەزيدەنت ۇكىمەتكە دە ءبىرشاما تاپسىرمالار بەردى. سونىڭ ىشىندە شاعىن جانە ورتا كاسىپكەرلىكتى دامىتۋدىڭ ماڭىزدىلىعىنا توقتالدى جانە ارنايى باعدارلاما ازىرلەۋدى تاپسىردى. الەۋمەتتىك سالا بويىنشا دا, سونىڭ ىشىندە, ادامي كاپيتالدىڭ ساپاسىن ارتتىرۋ كەرەكتىگى كۇن تارتىبىنەن تۇسپەيتىندىگىن ەسكەرتتى. اسىرەسە, دەنساۋلىق پەن ءبىلىم بەرۋ سالاسىنداعى وڭ وزگەرىستەرگە توقتالا كەلە, ءالى دە بولسا اتالعان سالالاردى دامىتۋ كەرەكتىگىنە باستى نازار اۋداردى. سونىمەن قاتار, انا مەن بالا جانە مۇمكىندىگى شەكتەۋلى ازاماتتاردىڭ جاعدايىن جاقسارتۋدى ۇكىمەتكە تاپسىردى.

زۋلفۋحار سۇلتانۇلى,

استانا قالاسى قوعامدىق كەڭەسىنىڭ توراعاسى, ۇلتتىق

قۇرىلتايدىڭ مۇشەسى

تاعىدا

admin

«استانا اقشامى» گازەتى

ۇقساس جاڭالىقتار

پىكىر ۇستەۋ

Back to top button