ەلىمىزدە 1991 جىلدان باستاپ حالىقارالىق قارتتار كۇنى اتاپ وتىلۋدە. الماتى اۋدانىندا دا جىل سايىن بۇل مەرەكە ەلەۋسىز قالمايدى. حالىقارالىق قارتتار مەرەكەسىنە وراي اۋدان اكىمدىگىنىڭ ۇيىمداستىرۋىمەن استانا قالاسى ءماسليحاتىنىڭ دەپۋتاتى ەسەنجول بەكىشەۆ «اق جايىق» ءدامحاناسىندا قايىرىمدىلىق شارا وتكىزدى. مەرەكەلىك شارا بارىسىندا حالىق قالاۋلىسى ءوز سايلاۋ وكرۋگى بويىنشا 70 زەينەتكەرگە داستارحان جايىپ, قۇرمەت كورسەتتى.
– قارتتارعا قانداي قۇرمەت كورسەتسەك تە, ەشقاشان كوپتىك ەتپەيدى. ويتكەنى, جاستىق جىگەرلەرىن بەيبىت ءومىر جولىندا سارپ ەتىپ, ەلىمىزدىڭ وركەندەۋى ءۇشىن ەڭبەك ەتكەن جاندار تەك قۇرمەتكە لايىق. ەندەشە, دەندەرىڭىزگە ساۋلىق تىلەي وتىرىپ, ارامىزدا امان-ساۋ جۇرۋلەرىڭىزگە تىلەكتەستىگىمدى بىلدىرەمىن, – دەدى دەپۋتات. جايىلعان داس-تارحان مەن كورسەتىلگەن زور قۇرمەتكە ءدان رازى بولعان اعا بۋىن وكىلدەرى بولسا, شاراپاتى مول مۇنداي شارانى ۇيىمداستىرۋشىلارعا ريزاشىلىقتارىن ءبىلدىرىپ, باتالارىن بەردى.
سونىمەن بىرگە اتالمىش اۋدانداعى مەكتەپكە دەيىنگى مەكەمەلەردە, ورتا ءبىلىم بەرۋ, جوعارى وقۋ ورىندارىندا ەڭبەك ارداگەرلەرىمەن, ۇلى وتان سوعىسىنىڭ ارداگەرلەرىمەن كەزدەسۋلەر وتكىزىلدى.
ءبىزدىڭ ەلىمىزدە ءاربىر ارداگەردىڭ قاجەتتىلىگى ەسكەرىلىپ, ولارعا بارىنشا قامقورلىق جاسالۋدا. وسىعان وراي, اتالمىش اۋدان مەكەمەلەرى كەزىندە قىزمەت اتقارعان, بۇگىندە قۇرمەتتى دەمالىستا جۇرگەن قارت-قاريالارىن شاقىرىپ, سىي-قۇرمەت كورسەتتى. اتاپ ايتساق, «استانا تازالىق» جشس, «استانا كوگالداندىرۋ قۇرىلىسى» اق, «استانا سۋ ارناسى» مكقك, «استانا-ءونىم» اق, «استانا تازارتۋ» جشس جانە ت.ب. مەكەمەلەر ۇجىمدارى ەڭبەك ارداگەرلەرىن مەرەكەلىك شارالارعا شاقىرىپ, داستارحان جايىپ, سىيلىقتار تاپسىردى.
سونداي-اق, ينتەرناتسيونالنىي, پرومىشلەننىي, جەلەزنودوروجنىي, ميچۋرين جانە كۇيگەنجار تۇرعىن الاپتارىندا ەلوردالىق كاسىپكەرلەردىڭ قولداۋىمەن مەرەكەلىك شارالار ءوتتى.
«زەيد» ويىن-ساۋىق ورتالىعى ۇجىمى جالعىزىلىكتى قاريالار مەن مۇگەدەكتەرگە ۇيدە الەۋمەتتىك كومەك كورسەتۋ بولىمشەلەرىنىڭ قاراۋىنداعى 50 قارياعا قايىرىمدىلىق اس بەرىپ, كونتسەرتتىك باعدارلاما ۇسىندى.
«التىن ادام» مەيرامحاناسىندا (باسشىسى كاسىپكەر ر.كارىموۆ) 200 زەينەتكەرگە ارنالعان مەرەكەلىك شارا ۇيىمداستىرىلدى.
دامەلى ابدۋاليەۆا,
الماتى اۋدانى اكىمدىگى ىشكى
ساياسات ءبولىمىنىڭ باسشىسى
