جاڭالىقتار

ايماقتىق حاب – اۋقىمدى جوبا

كەشە استانا قالاسىندا قر مەملەكەتتىك قىزمەت ىستەرى اگەنتتىگى مەن بىرىككەن ۇلتتار ۇيىمىنىڭ دامۋ باعدارلاماسى بىرلەسە وتىرىپ مەملەكەتتىك قىزمەت سالاسىندا وڭىرلىك حابتىڭ قۇرىلتاي كونفەرەنتسياسىن وتكىزدى. كونفەرەنتسيا جۇمىسىنا الەمنىڭ وتىز ەلىنەن كەلگەن ديپلوماتيالىق ميسسيالاردىڭ باسشىلارى, حالىقارالىق ۇيىم وكىلدەرى, مەملەكەتتىك ورگانداردىڭ باسشىلارى قاتىستى. 

ايماقتىق حاب – الەم ەلدەرى مەن حا­­لىق­ارالىق ۇيىمدار وكىلدەرى اراسىندا مەم­­لەكەتتىك قىزمەت سالاسى بويىنشا ءتا­­جى­­­­ريبە الماسۋدىڭ ءداستۇرلى نەگىزى. ياعني, وڭىرلىك باعدارلامالار مەن جوبالاردى ءبىر­­لەسىپ جۇزەگە اسىرۋعا ارنالعان الاڭ. مەملەكەتتىك قىزمەت ىستەرى اگەنتتىگى مەن­­ بۇۇ دامۋ باعدارلاماسىنىڭ ور­­تا­­لىق ازيا, رەسەي, كاۆكاز ەلدەرى ءۇشىن مەم­­لەكەتتىك قىزمەت سالاسىندا ءبىلىم مەن تاجىريبە تاراتۋ جونىندەگى ايماقتىق حاب قۇرۋ باستاماسىنا ەلباسى دا قولداۋ بىلدىرگەن.

قازاقستان ءۇشىن مەملەكەتتىك قىزمەت سا­­­لاسىندا وڭىرلىك حاب حاتشىلىعىنىڭ ءتيىمدى جۇمىس ىستەۋىنە بارلىق جاع­­­داي­­لار­­ جاسالاتىن بولادى. بۇل جونىندە قۇرىلتاي كونفەرەنتسياسىنىڭ قا­­تى­­­سۋشىلارىنا جولداعان قۇتتىقتاۋ ءسو­­زىن­­دە مەملەكەت باسشىسى: «مەم­لەكەت­­­تىك قىزمەتتى دامىتۋ, ونى حالىقتىڭ كۇن­­­­نەن كۇنگە ءوسىپ كەلە جاتقان تالابىنا سايكەستەندىرۋ – كەز كەلگەن ۇكىمەتتىڭ ماڭىزدى باسىمدىقتارىنىڭ ءبىرى. ال, ءار ەلدىڭ مەملەكەتتىك قىزمەت رەفورماسىنىڭ كۇن ءتارتىبى حالىقارالىق تاجىريبە, ايماقتىق جانە ۇلتتىق ەرەكشەلىكتەردى ەسكەرە وتىرىپ, وزەكتى ماسەلەلەردى زەردەلەۋ ارقىلى انىقتالادى. ءبىز حاتشىلىقتىڭ ءتيىمدى جۇمىس جاساۋىنا بارلىق جاعدايلار جاساپ, ارىپتەستەرىمىزبەن بىرگە ايماقتىق حاب قۇرۋعا كۇش سالامىز» دەدى.

جيىندا ءسوز العان مەملەكەتتىك قىزمەت ىستەر اگەنتتىگىنىڭ توراعاسى ءاليحان بايمەنوۆ وڭىرلىك حابتىڭ قۇرىلۋى مەملەكەتتىك قىزمەتتىڭ دامۋى-نا تىڭ سەرپىن بەرەتىنىن العا تارتتى.

ونىڭ ايتۋىنشا, ەلىمىزدەگى مەملەكەتتىك قىزمەت مودەلىن حالىقارالىق ساراپشىلار جوعارى باعالاعان.

– قازاقستان ءوزىنىڭ مەملەكەتتىك قىزمەت سالاسىنداعى جيناقتاعان ءتا­­جى­­ري­­بە­­سىمەن بولىسۋگە دايىن. ايماقتىق حاب قۇرۋ بويىنشا ۇستانىمدار بۇگىن تا­­راتىلعان تۇجىرىمدامانىڭ جە­­تىل­­دى­­رىلگەن نۇسقاسىندا دا كورىنىس تاپتى. تۇجىرىمداما جوباسى بويىنشا كوپ­­تە­­گەن ۇسىنىستار دا كەلىپ ءتۇستى. وندا اي­­تىل­­عان پىكىر ورتاق – مەملەكەتتىك قىزمەت سا­­لاسىندا وڭىرلىك حابتىڭ قۇرىلۋى وزەك­­تى­ ماسەلە جانە ونىڭ قاجەتتىگى ايقىن, – دەدى ءا.بايمەنوۆ ءوز سوزىندە.

مەملەكەتتىك قىزمەت سالاسىندا وڭىرلىك حاب قۇرۋ تۋرالى تىڭ باستاما وسىدان ءبىر جىل بۇرىن كوتەرىلگەن. سودان بەرى بىرقاتار جۇمىستار اتقارىلىپ, شەت مەملەكەت باسشىلارىمەن ەكى جاقتى كەزدەسۋلەر ۇيىمداستىرىلعان. كەيبىر ەلدەرمەن ىنتىماقتاستىق مەموراندۋمىنا قول قويىلدى. سونىڭ ءبىرى – جيىن بولاردان ءبىر كۇن بۇرىن اقش قىزمەتكەرلەردى باسقارۋ كەڭسەسىمەن قول قويىلعان ىنتىماقتاستىق تۋرالى قۇجات.

القالى جيىندا ءسوز سويلەگەن بۇۇ تۇراقتى ۇيلەستىرۋشىسى جانە بۇۇ دامۋ باعدارلاماسىنىڭ تۇراقتى وكىلى ستيۆەن تۋلل مەملەكەتتىك قىزمەت ساپاسىنىڭ الەمدىك تاجىريبەسى تۋرالى وي ءبولىستى. ايماقتىق حاب قۇرۋ باستاماسىن قازاقستاننىڭ اۋقىمدى جوباسى دەپ باعالادى. سونىمەن قاتار, قۇرىلتايدا شەتەلدىك مەيماندار دا ايماقتىق حاب قۇرۋ يدەياسى توڭىرەگىندە ءوز ويلارىن ءوربىتتى. بارلىق قاتىسۋشىلار باستاماعا ءبىر اۋىزدان قولداۋ ءبىلدىرىپ, جيىن قورىتىندىسى بويىنشا دەكلاراتسيا قابىلدادى.

گۇلميرا ايماعانبەت

تاعىدا

ۇقساس جاڭالىقتار

پىكىر ۇستەۋ

Back to top button