جاڭالىقتار

ايىمدار الماناحى

كنيگاكەشە ۇلتتىق اكادەميالىق كىتاپحانادا استانا اكىمدىگىنىڭ قولداۋىمەن قازاق جانە ورىس تىلدەرىندە شىققان «استانا: ايەل كەلبەتى» الماناحىنىڭ تۇساۋكەسەرى ءوتتى. حالىقارالىق ايەلدەر كۇنى مەرەكەسىنىڭ قارساڭىندا جارىق كورگەن بۇل تۋىندى كەيىپكەرلەرىنە تاماشا تارتۋ بولدى.

«استانا ايەلدەرى: ءححى عاسىر», «داڭق گالەرەياسى», «ۇكىمەت ادامدارى», «ەلوردا ماقتانىشى», «تابىستى ايەل», «ايەل – انا», «جانسەرىگىم, جولداسىم, جۇلدىزىم», «استانا ءۇمىتى» سەكىلدى توعىز تاراۋدان تۇراتىن الماناحتا باس قالادا ءجۇرىپ, ءومىردىڭ سان سالاسىندا – ساياسات پەن بيزنەستە, عىلىم مەن سپورتتا, ونەردە, وقۋ-اعارتۋدا جانە مەديتسينادا بەلگىلى ءبىر جەتىستىككە جەتكەن ايەلدەر تۋرالى جانە ەلوردانىڭ بولاشاق ۇمىتتەرى – دارىندى قارىنداستارىمىز جونىندە باياندالادى.

تۇساۋكەسەر بارىسىندا ءسوز سويلەگەن پارلامەنت ءماجىلىسىنىڭ دەپۋتاتى, كىتاپ كەيىپكەرلەرىنىڭ ءبىرى ءاسيما بيمەندينا: «استانا مەنىڭ ومىرىمدە ەرەكشە ورىن الادى. از دا بولسا استانانىڭ دامۋىنا ۇلەس قوسقانىما قۋانامىن» دەي كەلە, بۇل كىتاپ ارقىلى ءوسىپ كەلە جاتقان قىزدارىمىزدى تاربيەلەۋگە بولاتىنىن ايتىپ, ونى شىعارعان ۇجىمعا العىسىن ءبىلدىردى. ايەلدەر قاۋىمىن مەرەكەلەرىمەن قۇتتىقتاپ, مول تابىس تىلەدى.

كىتاپتىڭ تاعى ءبىر كەيىپكەرى – وسى وڭىردە دۇنيەگە كەلىپ, اقمولا تەمىر جولىنا 35 جىلدىق عۇمىرىن ارناعان «قۇرمەتتى تەمىرجولشى» بەلگىسىنىڭ يەگەرى كۇلان ساعىمباەۆا ايەلدەر قاۋىمىنا ونەگەلى سوزدەرىن ايتتى.

ۇلتتىق اكادەميالىق كىتاپحانانىڭ ديرەكتورى, جازۋشى الىبەك اسقاروۆ ايەلدەر جايلى تولعاندى.

الماناحتى باسىپ شىعارعان «BG-PRINT» باسپاسىنىڭ ديرەكتورى گۋليا بابۋلوۆا كىتاپتىڭ جارىق كورۋىنە قولداۋ كورسەتكەن ادامدار مەن باسپا سەرىكتەستەرىنە العىس حاتتار تابىستادى.

كىتاپتى شىعارۋ يدەياسىن ۇسىنعان جوبا جەتەكشىسى مەن الماناحتىڭ باس رەداكتورى ەليتا وسوكينا تۋىندىنى باسپاعا دايىنداۋ بارىسىنداعى اسەرلەرىمەن ءبولىستى.

تاعىدا

ۇقساس جاڭالىقتار

پىكىر ۇستەۋ

Back to top button