Sport

الەم چەمپيوناتىنداعى ادەمى گول

ماسكەۋ جانە سانكت-پەتەربۋرگ قالالارىندا شايبالى حوككەيدەن ءوتىپ جاتقان الەم چەمپيو­ناتىندا قازاقستان قۇرا­ماسى ءۇش ويىن وتكىزدى.

بۇگىندە توپتىق باسەكەلەر ءوتىپ جاتىر. قازاقستان حوككەيشىلەرى رەسەي, چەحيا, شۆەتسيا, شۆەيتساريا, دانيا, نورۆەگيا جانە لاتۆيا قۇرامالارىمەن بىرگە ءبىر توپقا ءتۇسىپ, كەلەسى اينالىمعا وتەتىن ءتورت ورىن ءۇشىن سىنعا تۇسۋدە.
اندرەي نازاروۆ باپتايتىن قازاقستان قۇراماسى الەم چەمپيوناتىن وتە ءساتتى باستادى دەۋگە نەگىز بار. العاشقى ويىندا جەرلەستەرىمىز شۆەيتساريا قۇراماسىمەن كەزدەستى. بۇل ويىندا قازاقستاندىق حوككەيشىلەر ماتچتان كەيىنگى بۋلليت بويىنشا جەڭىسكە جەتتى. ويىننىڭ نەگىزگى ۋاقىتىندا ەسەپ 2:2 بولىپ تىركەلگەن ەدى. ودان كەيىن بەس مينۋتتىق وۆەر-تايم بەلگىلەندى. بىراق بۇل ۋاقىتتا دا ەسەپ وزگەر­مەدى. ال ويىننان كەيىنگى بۋلليت ۇرىسىندا قازاقستان حوككەي­شىلەرى مەرگەندىگىمەن تانىلدى.
وسى ماتچ بارىسىندا الەم چەمپيوناتىنداعى ەڭ ەلەۋلى كورسەتكىشتەردىڭ ءبىرى تىركەلدى. قازاقستان قۇراماسىنىڭ قور­عاۋشىسى رومان ساۆچەنكو الاڭ ورتاسىنان, تىپتەن ءوز الاڭىنان قارسىلاستار قاقپاسىنا گول سوقتى. وسى گولدى كورگەن مامانداردىڭ ءبارى «قازاقستاندىق حوككەيشىنىڭ شۆەيتساريا قاقپاسىنا سالعان گولى الەم چەمپيوناتىنداعى ەڭ ادەمى گول» دەگەن پىكىرلەرىن ايتۋدا. شىنىمەن دە ساۆچەنكونىڭ بۇل گولى جانكۇيەرلەر تاراپىنان جوعارى باعا الۋدا. سونداي-اق, وسى ماتچ بارىسىندا قازاقستان قۇراماسىنىڭ قاقپاشىسى ۆيتالي كولەسنيك تە شەبەرلىگىمەن كوزگە ءتۇستى. ول ويىن كەزىندە 49 سەيف جاسادى, ياعني, وسىنشا رەت ءوز قاقپاسىنا باعىتتالعان شايبانى قايتارا ءبىلدى.
ەكىنشى ويىندا جەرلەستەرىمىز الاڭ يەلەرىنەن ۇتىلدى. وسىعان دەيىن چەحيا قۇراماسىنان 0:3 ەسەبىمەن ۇتىلىپ, ءوز جانكۇيەرلەرى الدىندا ۇياتقا باتقان رەسەي حوككەيشىلەرى قازاقستانعا قارسى ويىندا بارىن سالىپ باقتى. دەگەنمەن, بۇل ويىندا دا قازاق­ستاندىق حوككەيشىلەر قاراپ قالعان جوق. ماتچتىڭ ورتاسىنا دەيىن تەڭ ناتيجەنى ۇستاپ تۇردى. الايدا, رەسەي قۇراماسى سوڭعى كەزەڭدە شيراقتىق تانىتىپ, 6:4 ەسەبىمەن جەڭىسكە جەتتى.
ءۇشىنشى ويىندا جەرلەستەرىمىز نورۆەگيا قۇراماسىنان ۇتىلىپ قالدى. كوپشىلىك جانكۇيەر وسى ماتچتا قازاقستان جەڭەدى دەگەندەي بولجامدار جاساعان ەدى. الايدا, ويىنداعى جاعداي باسقاشا ءوربىدى. ماتچ 4:2 ەسەبىمەن نورۆەگيالىقتار پايداسىنا شەشىلدى.
تاعى ءبىر ايتارىمىز, بۇرىن لەگيونەر بولىپ كەلگەن بىرنەشە شەتەلدىك حوككەيشىلەر قازاقستان قۇراماسى ساپىندا الاڭعا شىقتى. اتاپ ايتقاندا, «بارىس» كومانداسىندا بىرنەشە جىلدان بەرى ويناپ جۇرگەن برەندون بوچەنسكي, نايدجەل دوۋس جانە داستين بويد قازاقستان قۇراماسىنىڭ نامىسىن قورعاپ ءجۇر.
كەشە قازاقستان قۇراماسى شۆە­تسيا حوككەيشىلەرىمەن كەزدەستى.
ءبىزدىڭ توپتا چەحيا قۇراماسى كوش باستاپ كەلەدى. ەكىنشى توپتا كانادا جەڭىلىسسىز كەلەدى.

عالىم قوجابەكوۆ

تاعىدا

عالىم قوجابەكوۆ

«استانا اقشامى» گازەتى باس رەداكتورىنىڭ ورىنباسارى

ۇقساس جاڭالىقتار

پىكىر ۇستەۋ

Back to top button