بۇگىندە ەلوردانىڭ جۇمىسپەن قامتۋ, ەڭبەك جانە الەۋمەتتىك قورعاۋ باسقارماسى 18 جاسقا دەيىنگى بالالارى بار وتباسىلارعا مەملەكەتتىك جاردەماقىلار تاعايىنداۋ بويىنشا جۇمىس جۇرگىزۋدە.
مۇنداي كومەك الۋعا قازاقستان رەسپۋبليكاسىنىڭ ۇلتتىق ەكونوميكا مينيسترلىگى بەكىتكەن ەڭ تومەن كۇنكورىس دەڭگەيىندەگى ەل ازاماتتارى مەن ورالماندار يە. سوعان ساي ايىنا ءار بالاعا ەڭ تومەنگى ەسەپتىك كورسەتكىش مولشەرىندە جاردەماقى تولەنەدى. ءوتىنىش بەرۋشى كىسى توقسان سايىن حالىققا قىزمەت كورسەتۋ ورتالىعىنا نەمەسە استانا قالاسىنىڭ جۇمىسپەن قامتۋ, ەڭبەك جانە الەۋمەتتىك قورعاۋ باسقارماسىنا حابارلاسادى. مۇنىمەن قاتار, اتالعان مەملەكەتتىك قىزمەتتى كوپ بالالى, تولىق ەمەس جانە قۇرامىندا مۇگەدەكتەرى بار وتباسىلار پايدالانادى. سونداي-اق, تۇراقتى قىزمەتى جوق تۇرعىندار الەۋمەتتىك كومەك الۋ ءۇشىن جۇمىسسىز رەتىندە جۇمىسپەن قامتۋ ورتالىعىندا تىركەلۋى ءتيىس.
«100 ناقتى قادام» – ۇلت جوسپارى شەڭبەرىندە پرەزيدەنت نۇرسۇلتان نازارباەۆ الەۋمەتتىك كومەكتىڭ وڭتايلاندىرۋدىڭ بىرنەشە باسىمدىقتارىن اتاپ وتكەن-ءدى. ماسەلەن, 2018 جىلدان باستاپ جاردەماقىنىڭ ءۇش ءتۇرى بىرىكتىرىلەدى. ياعني, اتاۋلى الەۋمەتتىك كومەك, 18 جاسقا دەيىنگى بالالارى بار وتباسىلارعا بەرىلەتىن مەملەكەتتىك جاردەماقى جانە اتاۋلى مەملەكەتتىك جاردەماقى جاڭا فورماتتا ۇسىنىلاتىن بولادى. بۇل زاڭدى ىسكە اسىرۋ تومەن تابىسى بار وتباسىلاردىڭ سانىن ازايتۋعا مۇمكىندىك بەرەدى.
يننا فيلارەتوۆا,
استانا قالاسىنىڭ جۇمىسپەن قامتۋ, ەڭبەك جانە الەۋمەتتىك
قورعاۋ باسقارماسى
الماتى اۋدانىنىڭ الەۋمەتتىك جاردەماقىلار تاعايىنداۋ
ءبولىمىنىڭ باسشىسى
