مۇنايلى ولكە ماڭىزدى ماسەلەلەردى شەشۋ جولىندا بىرنەشە جۇمىستار اتقارىپ, بۇل كۇنى العا قويعان جوسپارلاردى تولىعىمەن ورىندادى. كەشە اتىراۋ وبلىسى اكىمى باقتىعوجا ىزمۇحامبەتوۆ ورتالىق كوممۋنيكاتسيالار قىزمەتىندە جۋرناليستەرگە وسىنى بايان ەتتى.
اكىمنىڭ ايتۋىنشا, 2014 جىلدىڭ قاڭتار-قىركۇيەگىنە ونەركاسىپ ونىمدەرىن ءوندىرۋ كولەمى 3 876,4 ملرد تەڭگەنى قۇراعان. بۇل – 99,4 پايىزدىق كورسەتكىش. ال, وڭدەۋ ونەركاسىبىنىڭ ءونىم شىعارۋ كولەمى 268,4 ملرد تەڭگەگە جەتكەن (103,0 %). سونىمەن قاتار, اۋىل شارۋاشىلىعىندا دا العا جىلجۋ بار. ايتار بولساق, اعىمداعى جىلدىڭ قاڭتار-قىركۇيەگى ارالىعىندا وبلىسقا تيەسىلى اۋىل شارۋاشىلىعىنىڭ جالپى ءونىم كولەمى 32,4 ملرد تەڭگەنى قۇراپ, 100,9%-عا جەتىپ وتىر. ونىڭ ىشىندە, 22,5 ملرد تەڭگە (101,3%) مال شارۋاشىلىعىنىڭ ۇلەسى بولسا, 9,6 ملرد تەڭگە (100,0%) – وسىمدىك شارۋاشىلىعىنداعى ورلەۋ.
شاعىن-ورتا بيزنەستىڭ بەلسەندى سۋبەكتىلەرى سانىنىڭ ءوسۋ قارقىنى مەن تۇرعىندارى اراسىنداعى وسى سەكتورداعى جۇمىسپەن قامتىلعانداردىڭ سانىندا, وندىرىلگەن ءونىم, جۇمىستار جانە قىزمەت كورسەتۋ كولەمىندە, سونداي-اق, ءوڭىردىڭ ەكونوميكالىق بەلسەندى شوب ارقىلى جۇمىسپەن قامتىلعاندار ۇلەسىندە دە وڭ وزگەرىستەر بايقالادى.
بۇعان قوسا, وبلىس تۇرعىندارىنىڭ الەۋمەتتىك-ەكونوميكالىق تۇرمىس-تىرشىلىگىنە توقتالعان اكىم قاي-قاي سالا بويىنشا دا دۇرىس باعىتتا كەلە جاتقاندىعىن مالىمدەدى. جۇمىسسىزدىق پەن جاستار ماسەلەسى, قۇرىلىس جوبالارى مەن جول جوندەۋ ءارى دەنساۋلىق ساقتاۋ مەن ءبىلىم بەرۋ سالالارىنداعى ساپا تۋرالى ماعلۇمات بەرىپ, تىلشىلەردىڭ سۇراقتارىنا تولىقتاي جاۋاپ بەردى.
نۇريسلام قۇسپانعالي
