بۇگىندە ەلوردامىزداعى مۇعالىمدەردىڭ دەنى جاستار. وسى ورايدا ۇستازدىقتى جۇرەك قالاۋىمەن تاڭداپ, ەڭبەك جولىن جاڭا باستاعان جاس ۇستازداردىڭ بىلىكتىلىگىن ارتتىرىپ, ولاردى ىسكەرلىككە, مادەنيەتتىلىككە, ءوز ىسىنە ۇلكەن جاۋاپكەرشىلىكپەن قاراۋعا باۋلۋ ماقساتىندا №72 مەكتەپ-ليتسەيدە جاس تاريحشى مۇعالىمدەر اراسىندا «جاس كەلسە, ىسكە!» قالالىق بايقاۋى ءوتتى.
جىگەرلى, العىر, سۇلۋ دا سىمباتتى, ماقساتكەر, ايتقانىن ەكى ەتپەيتىن, مىنەزى جايساڭ, ارمانشىل ءارى ناسيحاتتى تەز قابىلدايتىن توعىز جاس مامان سايىستىڭ سىرتتاي تۋرىنان ءوتىپ, ءوزارا ءتورت كەزەڭ بويىنشا باق سىناستى.
ناتيجەسىندە №78 مەكتەپ-گيمنازيانىڭ مۇعالىمى راۋشان اكىمباەۆا ءى ورىنعا, №65 مەكتەپ-گيمنازيانىڭ مۇعالىمى سايات نابيەۆ ءىى ورىنعا, №52 مەكتەپ-گيمنازيانىڭ مۇعالىمى زيناگۇل تاۋباي ءىىى ورىنعا يە بولدى. سونداي-اق, №68 ورتا مەكتەپتىڭ تاريح ءپانى مۇعالىمى تولقىن تىلەۋبەكوۆا ماقتاۋ قاعازىمەن ماراپاتتالدى.
ەركەجان جۇماجان,
ل.گۋميلەۆ اتىنداعى
ەۋرازيا ۇلتتىق ۋنيۆەرسيتەتىنىڭ
1-كۋرس ستۋدەنتى.
