بۇدان بىلاي اليمەنت تولەمدەرىن ءوندىرۋ, كامەلەتكە تولماعانداردىڭ قۇقىقتارىن قورعاۋ بارلىق مەملەكەتتىك ورگانداردىڭ باسىم باعىتتارىنىڭ ءبىرى بولماق. قازىر استانا قالاسىنىڭ پروكۋراتۋراسى بورىشكەرلەردە قارجىنىڭ بولماۋى, ازاماتتاردىڭ جۇمىسقا ورنالاسا الماۋى سياقتى ماسەلەلەردى اليمەنت تولەمدەرىن ءوندىرۋ تۋرالى سوت اكتىلەرىن ورىنداۋ كەزىندە قيىندىقتار تۋدىراتىنىن باستى نەگىزدەر رەتىندە نازارعا الىپ وتىر.
راسىندا, بورىشكەرلەردىڭ اليمەنت تولەمدەرىن ۋاقىتىلى تولەمەۋ سەبەپتەرىنىڭ ءبىرى ولاردىڭ جۇمىسقا ورنالاسا الماۋى, تۇراقتى جۇمىسى مەن تابىس كوزىنىڭ بولماۋى بولىپ تابىلادى. قازاقستان رەسپۋبليكاسىنىڭ «حالىقتى جۇمىسپەن قامتۋ تۋرالى» زاڭىنا سايكەس جۇمىس ىزدەۋشى ادامدار تۇرعىلىقتى جەرi بويىنشا جۇمىسقا ورنالاسۋىنا جاردەمدەسۋ ءۇشىن ۋاكiلەتتi ورگانعا ءوتiنiش جاساي الادى.
حابارلامادا جۇمىس ىزدەپ ءوتىنىش جاساعان جۇمىسسىز ازاماتتاردى تىركەۋ ءۇشىن قانداي قۇجاتتاردىڭ قاجەت ەكەنى ايتىلعان. ازاماتتار جەكە كۋالىگىن (تولقۇجات), ەڭبەك قىزمەتىن كۋالاندىراتىن قۇجاتتارىن ۋاكiلەتتi ورگانعا ءوتىنىش جاسالعان كۇننەن باستاپ ون جۇمىس كۇنىنەن كەشىكتىرمەي وتكىزۋى كەرەك. كەيىن ولار كومپيۋتەرلىك دەرەكتەر قورى بولىپ تابىلاتىن ءوتiنiش جاساعان ادامداردى دەربەس ەسەپكە الۋ كارتوچكاسىنا جۇمىسسىزدار رەتiندە تىركەلەدى.
جۇمىس ىزدەپ جۇرگەن جۇمىسسىز ازاماتتار ۋاكىلەتتى ورگاندا تۇرعىلىقتى جەرى بويىنشا تىركەلۋ كەرەك. سونداي-اق, ولار كۇنتىزبەلىك ون كۇن ىشىندە كەمىندە ءبىر رەت ۋاكىلەتتى ورگاندا بەلگىلەنىپ تۇرۋى ءتيىس.
نۇريسلام قۇسپانعالي
