رۋحانيات

«الپامىستان» جەتكەن «امانات»

استاناداعى م.گوركي اتىنداعى مەملەكەتتىك اكادەميالىق ورىس دراما تەاترىندا ۇلتىمىزدىڭ «الپامىس باتىر» قاھارماندىق ەپوسى نەگىزىندە «امانات» سپەكتاكلىنىڭ پرەمەراسى ءوتتى. قر تاۋەلسىزدىگىنىڭ 25 جىلدىعىنا ارنالعان قويىلىمدى قازاقستاننىڭ ەڭبەك سىڭىرگەن ءارتىسى بەكبولات پارمانوۆ ساحنالادى.

?؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

«جاڭا قويىلىمنىڭ ەرەك­شەلىگى ەپوستىڭ ورىس تىلىندە ساح­نالاۋىندا بولىپ وتىر. قازاقشا «الپامىس باتىردىڭ» نەشە ءتۇرلى نۇسقالارى قويىلدى. اقسە­لەۋ سەيدىمبەك ونى پروزا تىلىنە ءتۇسىردى. ەركەعالي راحماديەۆ سونداي اتاۋمەن وپەرا قويدى. كەيىنگى جىلدارى بۇل تۋرالى مۋلتفيلمدەر ءتۇسىرىلدى. ءبىز سپەكتاكلىمىزدە ەپوستىڭ قازىرگى كۇندەگى ءمان-ماڭىزىنا, بۇگىنگى قوعامعا بەرەتىن تاربيەلىك مانىنە ۇڭىلدىك. ءبىر سوزبەن ايتقاندا, «الپامىس باتىردا» ايتىلاتىن ويدى ءورىستىلدى كورەرمەن­دەرىمىزگە جەتكىزۋدى پارىز سانا­دىق» دەيدى اتالمىش تەاتردىڭ ديرەكتورى ەركىن حاسەنوۆ.
ال قويىلىمدا الپامىس باتىر­دىڭ بەينەسىن سومداۋ ماكسيم ياششەنكوعا بۇيىردى. گۇلبار­شىننىڭ رولىنە جاس اكتريسا ناتاليا ماشتاكوۆا تاڭدالدى. جالپى, بۇل قويىلىمعا قاتىسقان اكتەرلەردىڭ كوبىسى – كەيىنگى 4-5 جىلدىڭ كولەمىندە قازاق ۇلت­تىق ونەر ۋنيۆەرسيتەتى تۇلەتكەن جاس­تار.
قويىلىمدا اكتەرلەر ورىنداعان قازاق اندەرى مەن تۇرمىس-سالت جىرلارىن كورەرمەندەر ەرەكشە ىقىلاسپەن تىڭدادى. ارتىستەر «تۋعان جەر» سىندى اندەر مەن «جوقتاۋدى» الىپ شىعا ءبىلدى. سونداي-اق, سپەكتاكلدە قولدانىلعان دومبىرا, قىلقوبىز, جەتىگەن, شاڭقوبىز, سىبىزعى سياقتى ۇلتىمىزدىڭ اسپاپتارى دا ەپوس يدەياسىن تاماشا اشتى.
«الپامىس باتىر» قاھارماندىق ەپوسى بارشا تۇركى تىلدەس حالىق­تارىنا ورتاق ادەبي مۇرا بولىپ سانالادى. سپەكتاكل اتىن «امانات» دەپ قويعانىمىزدىڭ باس­تى سەبەبى – عاسىردان عاسىرعا, ۇر­پاقتان ۇرپاققا امانات بولىپ جەتكەن بۇل ەپوستى كەيىنگى جاستارعا جەتكىزۋدى مىندەتىمىز دەپ ويلادىق. ءبىز ءوز الدىمىزعا ۇمىتىلمايتىن, كوركەمدىك جاعىنان ەرەكشە, ساحنادان ۇزاق جىلدار بويى تۇسپەيتىن سپەكتاكلدى جاساۋدى ماقسات ەتىپ قويدىق جانە دە سول ماقساتقا جەتكەن سياقتىمىز» دەيدى قويۋشى رەجيسسەر بەكبولات پارمانوۆ.

امانعالي قالجانوۆ

تاعىدا

ۇقساس جاڭالىقتار

پىكىر ۇستەۋ

Back to top button