استانا قالاسى جاستار ساياساتى ماسەلەلەرى باسقارماسىنىڭ قولداۋىمەن «جاستار» سارايىندا «جايدارمان» قالالىق چەمپيوناتىنىڭ سوڭعى سايىسى ءوتتى. ەلورداعا ءبىلىم قۋىپ كەلگەن ءار ايماقتىڭ ازىلكەش جاستارىنان قۇرالعان كوماندالار ءوزارا باسەكەگە ءتۇستى.
قالالىق بىرىنشىلىكتى تاماشالاۋعا 2000-عا جۋىق ادام جينالدى. اقتىق كەزەڭدە ىرىكتەلگەن 7 كوماندا باق سىنادى. فينالعا شىققاندار – ل.گۋميلەۆ اتىنداعى ەۇۋ-ءدىڭ, س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ, قازاق ينجەنەرلىك-تەحنيكالىق اكادەميانىڭ, «تۇران» ۋنيۆەرسيتەتىنىڭ جانە تاماقتانۋ كوللەدجىنىڭ ونەرلى جاستارى. ويىنعا بەرىلگەن تاقىرىپ – استانانىڭ تىنىس-تىرشىلىگى جانە ستۋدەنتتىك ءومىر. تىڭعىلىقتى دايىندىقپەن كەلگەن قاتىسۋشىلار قازىلار القاسىنىڭ دا, كورەرمەننىڭ دە كوڭىلىن كوتەرىپ, ىستىق ىقىلاسىنا بولەندى.
سونىمەن, سايىس ناتيجەسى بويىنشا ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ «التىن بەلگى» كومانداسى چەمپيون اتاندى. ودان كەيىنگى ورىنعا «ەنەرگو» جانە «تۇران» كوماندالارى يە بولسا, ءۇشىنشى ورىندى س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ «اگراركا جاستارى» مەن «وسىمدىك قورعاۋ جانە كارانتين» كوماندالارى الدى.
