مانەرلەپ سىرعاناۋدان جاقىندا عانا اياقتالعان قازاقستان چەمپيوناتىنىڭ ەرلەر اراسىنداعى باسەكەسىندە ۆانكۋۆەر جانە سوچي وليمپياداسىنىڭ قاتىسۋشىسى ابزال راقىمعاليەۆ 179,72 ۇپايمەن ەل چەمپيونى اتاندى.
ول قىسقى جانە نەگىزگى باعدارلامادا دا كوش باسىندا بولسا, قىسقا باعدارلامادا ەكىنشى, نەگىزگى باعدارلامادا ءۇشىنشى ناتيجە كورسەتىپ, كۇمىستى يەلەنگەن دانيار ادىلوۆتە – 130,26 ۇپاي. ال قولا جۇلدەگە 128,78 ۇپايمەن ارتۋر پانيحين قول جەتكىزدى. پانيحين قىسقا باعدارلامادا ءۇشىنشى, نەگىزگى باعدارلامادا ەكىنشى كورسەتكىشكە يە بولدى. بۇل جارىستان ۇلتتىق قۇراما كوشباسشىسى دەنيس تەن بوساتىلعان ەدى.
قىزدار اراسىندا وتكەن سايىستا قازاقستاننىڭ ۇمىتتىلەرىنىڭ ءبىرى سانالاتىن ەليزابەت تۇرسىنباەۆاعا تەڭ كەلەر سپورتشى تابىلمادى. ول 180,46 ۇپاي جيناپ, 109,77 ۇپايى بار ايزا مامبەكوۆانى ەكىنشى ورىندا قالدىردى. قولا جۇلدە رەگينا گلازمانعا بۇيىردى.
دايىنداعان: نۇريسلام قۇسپانعالي
