امانگەلدى سىزدىقوۆ, استانا قالاسى ارداگەرلەر كەڭەسىنىڭ توراعاسى
كەشە ەلباسى نۇرسۇلتان نازارباەۆ ەلىمىزدىڭ تاۋەلسىزدىك كۇنىنە ارنالعان سالتاناتتى جيىندا تاۋەلسىزدىكتىڭ ۇلى رۋحى بارشامىزدى جەبەيتىنىن, بىرىكتىرەتىنىن, بويىمىزعا قۋات بەرىپ, كەلەشەككە دەگەن سەنىمىمىزدى نىعايتاتىنىن تەبىرەنىپ ايتتى. شىن مانىندە ءبىز بۇگىندە بەيبىتشىلىك بەسىگىندە ءومىر ءسۇرىپ كەلەمىز. قۇدايعا شۇكىر, قازىرگى كەزەڭدە قازاقستاندى بۇكىل الەم تانىپ-ءبىلىپ وتىر.
ۇلتىمىزدىڭ كوشباسشىسى, مەملەكەتتىڭ قولباسشىسى بولىپ وتىرعان نۇرسۇلتان ءابىشۇلى تاۋەلسىزدىك كۇنى مەرەكەسى ءاربىر قازاقستاندىق ازاماتتىڭ جۇرەگىندە, ءار شاڭىراقتىڭ تورىندە, قالالار مەن اۋىلداردا سالتانات قۇرادى دەپ اتاپ وتكەنى جۇرەگىمە مايداي جاقتى. اقيقاتى سول – تاۋەلسىزدىك بۇرىنعى اتا-بابالارىمىزدىڭ ورىندالماي كەتكەن ارمانى ەدى. ال بۇگىن ءبىزدىڭ ۇرپاق سول اسىل ارماندى جۇزەگە اسىرىپ, باقىتتى زاماندى باستان كەشىپ وتىر.
ەلباسىمىز وتانىمىز – قازاقستاننىڭ كوك بايراعىن نىق ۇستايمىز, اسقاقتاتىپ جەلبىرەتە بەرەمىز, بۇل ءبىزدىڭ ماڭگىلىك ۇستانىمىمىز دەپ ايتتى. بۇل ءسوز بارشامىزعا باعىتتالعان ءسوز دەپ ءتۇيسىنەمىن. دەمەك, ەلدىڭ بىرلىگى ءۇشىن, بەرەكەسى ءۇشىن ءبارىمىز ءبىر جەڭنەن قول, ءبىر جاعادان باس شىعارىپ ەڭبەك ەتەيىك. تاۋەلسىزدىكتىڭ ءبىر تالابى دا وسىندا جاتسا كەرەك.
ەلىمىز امان, جۇرتىمىز تىنىش بولعاي دەپ تىلەيمىن.
