Sportجاڭالىقتار
«امۋر» وڭايلىقپەن الدىرمادى
كحل چەمپيوناتىن ءساتتى باستاعان استانالىق «بارىس» وتكەن سەنبىدە «امۋر» كومانداسىن قابىلداپ, جانكۇيەرلەرىن جەڭىسىمەن قۋانتتى.
ويىن بارىسىن بايانداساق, حاباروۆسك قالاسىنان كەلگەن كوماندا وڭايلىقپەن بەرىلگەن جوق. نەگىزگى ۋاقىتتا ەسەپ 2:2 بولدى. قوسىمشا تايمدا قارسىلاستار ەسەپتى وزگەرتە المادى. ءسويتىپ, بۇل ويىننىڭ جەڭىمپازى ماتچ سوڭىنداعى بۋلليت سوعۋمەن انىقتالدى. بۇل سىندا الاڭ يەلەرىنەن نايدجەل دوۋس مەرگەندىگىمەن تانىلىپ, ەكىنشى ويىندا قاتارىنان «بارىستىڭ» ۇپاي قورجىنىن تولتىرۋعا سەپتىگىن تيگىزدى.
ال, كەشە «بارىس» ۆلاديۆوستوكتىڭ «ادميرال» كومانداسىمەن كەزدەستى.
ەرتەڭ «ۆيتياز» كومانداسىن قابىلدايدى. ماتچ «قازاقستان» سپورت سارايىندا ساعات 19.00-دە باستالادى.
عالىم قوجابەكوۆ