ەلورداداعى قازاق ۇلتتىق ونەر ۋنيۆەرسيتەتىندە كومپوزيتور كاكىم ەردىباەۆ العاش رەت شىعارماشىلىق كەشىن وتكىزدى. كەش استانا كۇنىنە ءارى سازگەردىڭ ونەردەگى جولىنا 30 جىل تولۋىنا ارنالدى. شىعارماشىلىق كەشكە بەلگىلى كۇيشى جانعالي جۇزباەۆ پەن تانىمال ءانشى نۇرعالي ءنۇسىپجانوۆ قاتىسىپ, سازگەرگە شىعارماشىلىق تابىس تىلەدى. ءان مەن كۇي توگىلگەن شاراعا سازگەردىڭ كۇمبىرلەگەن كۇيلەرى مەن اندەرىن ءسۇيىپ تىڭدايتىن تىڭدارماندار جينالدى.
كاكىم ەردىبايتەگى استاناداعى №2 بالالار مۋزىكا مەكتەبىندە جانە №54 مەكتەپ ليتسەيىندە ءان-كۇيدەن ساباق بەرەدى. العاشقى ءانىن 16 جاسىندا شىعارعان. قازىرگى تاڭدا 200-دەن اسا ءان, 40-قا جۋىق كۇي, سونداي-اق, ءتۇرلى مۋزىكالىق اسپاپتارعا ارنالعان شىعارمالاردىڭ اۆتورى.
كەشكە «الامان» توبى, ارداق بالاجانوۆا, كلارا تولەنباەۆا سىندى انشىلەر قاتىسىپ, سازگەردىڭ انىنە جازىلعان شىعارمالاردى ورىندادى. سونداي-اق, «سارىارقا» حالىق اسپاپتار ءانسامبلىنىڭ سۇيەمەلدەۋىمەن بىرنەشە شىعارمالار تىڭدارماندارعا جول تارتتى. كونتسەرتتىڭ شىرقاۋ شەگىندە سازگەردىڭ ءوزى دە شىعارمالارىن ورىنداپ, تىڭدارمان قاۋىمدى سەرپىلتىپ تاستادى.
اقمارجان كوپجاس
