اپتا ايناسى

گاپتىڭ باسى – گەپاتيت

ەلىمىزدىڭ دەنساۋلىق ساقتاۋ مينيسترلىگى باس پروكۋراتۋراعا ۇسىنىس جولدادى. 

اپتا باسىندا انا مەن بالا ۇلتتىق عىلىمي ورتالىعىندا ەمدەلىپ جاتقان وتىزعا جۋىق
بالا گەپاتيتكە شال­دىق­قان بولاتىن. اتا-انالار مۇنىڭ بارىنە دارىگەرلەردى كى­نالاۋدا. «دونور تابىل­ماعان­دىقتان ناۋقاس بالالارعا تازارتىلماعان قان قۇ­يىپتى» دەگەن الىپ-قاشپا اڭگىمەلەر دە باسىلار ەمەس. سوندىقتان, مينيسترلىك اتالمىش ماسەلەگە بايلانىستى بىرلەسكەن تەكسەرىس وتكىزۋ جونىندە باس پرو­كۋراتۋراعا ۇسىنىس ءبىلدىردى.

اپتا فوتوايعاعى

سانيتارلىق-ەپيدەميولوگيالىق قاداعالاۋ دەپارتامەنتى مەن ىشكى ىستەر دەپارتامەنتىنىڭ نازارىنا!

قوناعىمىز كەلە قالسا, ماقتانا كورسەتەتىن سۋلى-جاسىل جەلەكجول بىرەۋلەردىڭ يت قىدىرتاتىن ورنىنا اينالدى.

اپتا «كەرەكتەرى»

مۇرات اۋەزوۆ, مادەنيەتتانۋشى:
– قازاقستانداعى وزگە ۇلت وكىلدەرىنىڭ تاريحي مۇراسىنا دا كوڭىل ءبولۋىمىز كەرەك.

ءلاززات سۇلەيمەن, ورتالىق سايلاۋ كوميسسياسى مۇشەسى:
– بۇل سايلاۋدىڭ ناتيجەسىندە اۋىل حالقىنىڭ مۇڭ-مۇقتاجى ەسكەرىلىپ, اۋىل, سەلولارىمىزداعى باسقارۋ ساپاسى ارتىپ, جەرگىلىكتى قوعامداستىقتار تاراپىنان سايلانعان اكىمدەردىڭ جۇمىسىنا ءتيىمدى قوعامدىق باقىلاۋ دا قامتاماسىز ەتىلۋى كەرەك.

اپتانىڭ  «تۋيتتەر» تىركەستەرى

باحىتجان بۇحارباەۆ @Barkorn:
– «ەل بولام دەسەڭ, بەسىگىڭدى تۇزە» ماقالىن زامانعا ساي «بەسىگىڭدى تۇزەيتىن قىزدى تۇزە» دەپ تولىقتىرۋشى ەدىم.

Zharkyn Zhumadilov @tusupbekuly:
– استانا ماعان ءومىر ءسۇرۋدى ۇيرەتتى.

سەرىكزات دۇيسەنعازين @dserikzat:
– قۇلشىلىققا بەرىلىپ تاڭ ازاندا, قۇراننان قۋات الىپ دارا جانعا. قازاقتاي حالقىمىزعا باق پەن بىرلىك, تىلەگەن قانداي جاقسى رامازاندا!

راحات جاقسىباي @qazaqia 2:
– ەردوعان: «تۇركيانى قۋاتىنان ايىرعىسى كەلەتىن يمپەريالىق كۇشتەر بار. ولار ىشتە دە, سىرتتا دا تۇركيانى جىعىپ بەرمەككە جۇمىس جاساۋدا». بىزگە دە ءتان.

ءامىرجان قوسانوۆ @akossanovkz:
– ادامي قارىم-قاتىناس پەن ارا قاشىقتىقتىڭ سالىستىرمالىعى تۋرالى: ات قۇيرىعىن ءتۇيىسۋ مەن كەسۋدىڭ اراسىنان سول قۇيرىقتى قۇرايتىن قىل وتپەيدى!

جانداربەك بۇلعاقوۆ @Zhandarbek:
– بىرەۋ تەلەفونىڭ تىڭدالادى ەكەن دەسە, بايقاپ سويلەيمىز. ال ەكى يىقتا ەكى پەرىشتە ءار ءسوزىڭدى قالدىرماي جازىپ جاتىر دەسە, اسا ءمان بەرمەيمىز.

جازاتايىم وقيعالارعا جاياۋ جۇرگىنشىلەر كىنالى

جىل باسىنان بەرى تىركەلگەن كولىك اپاتىنىڭ ءاربىر ەكىنشىسى جاياۋ جۇرگىنشىلەر جولىندا ورىن العان.

ءىىم جول پوليتسياسى كوميتەتىنىڭ حابارلاۋىنشا, اپاتتان كوز جۇمعانداردىڭ 30 پايىزى جاياۋ جۇرگىنشىلەر. سونداي-اق, وتكەن جىلدىڭ سايكەس كەزەڭىمەن سالىستىرعاندا جاراقات العاندار سانى دا 1,5 ەسەگە ارتقان.

گۇلميرا ايماعانبەت