جاڭالىقتار
اپتا دەرەگى
ءبىلىم جانە عىلىم مينيسترلىگى وسى اپتادا ۇلتتىق بىرىڭعاي تەستتى 121 مىڭ ادام تاپسىرادى دەگەن ناقتى دەرەك تاراتتى. بۇل كورسەتكىش بيىلعى ءبىتىرۋشى تۇلەكتەردىڭ 78 پايىزىن قۇراپ وتىر.
سىناق 1-15 ماۋسىم ارالىعىندا 154 قوسىندا وتەدى دەپ جوسپارلانۋدا. ونىڭ 107-ءسى اۋدان ورتالىعى مەن قالا مەكتەپتەرىندە, ال, 47-ءسى استانا مەن الماتى قالالارىندا جانە وبلىس ورتالىقتارىندا ورنالاسقان. بيىلعى تەستىلەۋدىڭ ەرەكشەلىگى جىلداعىداي ماۋسىمنىڭ 10-نا ەمەس, 15-نە دەيىن سوزىلادى.
اپەللياتسياعا ءوتىنىش قابىلداۋ ءۇشىن تاعى دا قوسىمشا 1 ساعات بەرىلەدى, ياعني, كۇنىنە 14 ساعاتقا دەيىن وتىنىشتەر قابىلدايدى. مەملەكەتتىك كوميسسيانىڭ مۇشەلەرى 11 ادامنان 5-كە دەيىن قىسقارتىلدى.