وسى اپتادا قازاقستان پرەزيدەنتى نۇرسۇلتان نازارباەۆ ەۋرازەق پەن كەدەن وداعىن قۇرۋعا قوسقان ۇلەسى ءۇشىن ورىس بيوگرافيالىق ينستيتۋتىنىڭ «جىل ادامى» ۇلتتىق سىيلىعىنىڭ لاۋرەاتى اتاندى
اتالعان سىيلىق 1993 جىلدان بەرى عىلىم, مادەنيەت, مەملەكەتتىك باسقارۋ, بيزنەستىڭ الەۋمەتتىك جاۋاپكەرشىلىگى, قايىرىمدىلىق, اعارتۋشىلىق قىزمەت سالالارىنداعى جەتىستىكتەر ءۇشىن بەرىلەدى.
بيىلعى ماراپات يەلەرىنىڭ قاتارىندا رەسەي فەدەراتسياسىنىڭ پرەزيدەنتى ۆلاديمير پۋتين مەن بەلارۋس رەسپۋبليكاسىنىڭ پرەزيدەنتى الەكساندر لۋكاشەنكو دا بار.
وتكەن جىلى «جىل ادامى» سىيلىعى ماسكەۋ جانە بۇكىل رەسەي پاتريارحى ءىى الەكسي, جازۋشى الەكساندر سولجەنيتسىن, اكادەميك جورەس الفەروۆ, لەو بوكەريا جانە وزگە دە كورنەكتى قوعام قايراتكەرلەرى مەن عالىمدارعا بەرىلگەن بولاتىن.
