18 مامىر – حالىقارالىق مۇراجاي كۇنى. 1977 جىلى ماسكەۋدە وتكەن حالىقارالىق مۋزەيلەر كەڭەسىنىڭ (ICOM) XI باس كونفەرەنتسياسىنىڭ شەشىمىمەن بەلگىلەنگەن بۇل مەرەكە الەمنىڭ بارلىق ەلدەرىندە اتاپ وتىلەدى. وسى مەرەكەگە وراي العاش رەت 1997 جىلى گەرمانيانىڭ بەرلين قالاسىندا «مۇراجايداعى ءتۇن» اكتسيا وتكىزىلە باستادى. ال ەلىمىزدە مۇنداي تۇنقاتتى شارا 2006 جىلدان بەرى قولعا الىندى.
«اتامەكەن» قازاقستان كارتاسى» ەتنو-مەموريالدىق كەشەنى «مەن جانە مەنىڭ جانۇيام», «مۇراجاي – ۇلتتىق قۇندىلىقتاردىڭ ورنى» اتتى اكتسيالار وتەدى. كەشەنگە استانالىق ءۇزدىك وقۋشىلار اتا-انالارىمەن بىرگە ساعات 09:00-دەن 16:00-گە دەيىن تەگىن كىرە الادى. كەشەن قىزمەتكەرلەرى كەلۋشىلەردى اڭىزداعى كەيىپكەرلەردىڭ كەيپىندە قارسى الادى. سونداي-اق «ۇزدىك گيد – ەكسكۋرسيا جۇرگىزۋشى – 2013» بايقاۋى جەڭىمپازدارىنىڭ انت قابىلداۋ ءراسىمى وتەدى.
قازىرگى زامانعى ونەر مۇراجايى مۇراجاي كوللەكتسياسىنان قۇرالعان «نەفورمات» كورمەسى ۇسىنىلادى. كورمەگە 1950-1977 جىلدارى جازىلعان قازاقستان, رەسەي, ۋكراينا سۋرەتشىلەرىنىڭ كوركەمدىك-تاريحي قۇندىلىعى زور 17 تۋىندىسى قويىلماقشى. وندا يساتاي-ماحامبەت كوتەرىلىسى, ۆەرنىي قالاسىنداعى 20-جىلدار بۇلىگى, رەۆوليۋتسيا كوسەمى ۆ.لەنين, ف.دزەرجينسكيلەردىڭ ەڭبەكشىلەر الدىنداعى ءسوز سويلەۋى, العاشقى تىڭ يگەرۋشىلەر, سوتسياليستىك جارىستىڭ جەڭىمپازدارى, جاڭا قونىستانۋشىلار سياقتى تاريحي بەينەلەر مەن ۋاقيعالار قامتىلعان.
ادىلبەك جاپاق
