مەديتسينا قىزمەتكەرلەرىنىڭ كۇنى قارساڭىندا الماتى اۋدانىنىڭ اكىمى بەكبول ساعىن وسى اۋماقتاعى ەمدەۋ مەكەمەلەرىندە قاجىرلى ەڭبەك ەتىپ جۇرگەن ءبىر توپ دارىگەردى مەرەكەلەرىمەن قۇتتىقتاپ, العىس حاتتارمەن ماراپاتتادى.
ەلىمىزدەگى حالىق دەنساۋلىعىنىڭ جاي-كۇيى, سانيتاريالىق-ەپيدەميولوگيالىق احۋال جانە دەنساۋلىق ساقتاۋ جۇيەسiنiڭ دامۋى سوڭعى ون جىلدىقتا وڭ ناتيجەلەرىمەن ەرەكشەلەنىپ وتىرعانىن ايتا كەلە, اۋدان باسشىسى سوڭعى جىلدارى نەگiزگi مەديتسينالىق كورسەتكiشتەردىڭ جاقسارعانىن, اتاپ ايتقاندا, بالا تۋ, ءولiم-جiتiم, ءومiر ءسۇرۋدىڭ ورتاشا ۇزاقتىعىن تۇراقتاندىرۋ ماسەلەلەرىندە وڭدى ناتيجەلەرگە قول جەتكiزىلگەنىن, اسىرەسە, جۇقپالى اۋرۋلاردىڭ ازايعانىن اتاپ ءوتتى.
– قازاقستان رەسپۋبليكاسىنىڭ مەديتسينالىق مەكەمەلەرىندە جۇمىس ىستەيتىن 62 239 دارىگەر مەن 159 870 ورتا مەديتسينالىق قىزمەتكەردىڭ جالپى سانىنىڭ 70-85 پايىزى – ايەلدەر. وسىنىڭ ءوزى-اق ولاردىڭ قوعام الدىنداعى جاۋاپكەرشىلىگى مەن بەلسەندىلىگىنىڭ كۇن ساناپ ارتىپ كەلە جاتقانىن اڭعارتادى, – دەدى ب.ساعىن.
ودان ءارى اكىم ەلباسى نۇرسۇلتان نازارباەۆتىڭ «سالاماتتى قازاقستان» مەملەكەتتىك باعدارلاماسى ارقىلى سالاۋاتتى ءارى دەنى ساۋ ۇرپاق قالىپتاستىرۋ ماقساتىندا ەڭ الدىمەن حالىقتىڭ دەنساۋلىعىن قورعاۋ ماسەلەسىنە ايرىقشا كوڭىل ءبولىپ كەلە جاتقانىن العا تارتتى.
گۇلبارشىن وكەشقىزى
