اقيىق اقىندى ارداقتادى
استاناداعى ۇلتتىق اكادەميالىق كىتاپحانادا قازاقستاننىڭ حالىق جازۋشىسى قادىر مىرزا ءاليدىڭ 80 جىلدىعىنا ارنالعان «ءسوز سارايىنان مارجان تەرگەن قادىر!» اتتى ونلاين-كونفەرەنتسيا ءوتتى.
بۇل باسقوسۋعا اقىننىڭ تۋعان جەرى باتىس قازاقستان وبلىسىنىڭ سىرىم اۋداندىق كىتاپحاناسى, الماتىداعى ۇلتتىق كىتاپحانا جانە ورال قالاسىنداعى جۇبان مولداعاليەۆ اتىنداعى امبەباپ عىلىمي كىتاپحانا قىزمەتكەرلەرى مەن ءبىر توپ ادەبيەتسۇيەر
قاۋىم قاتىستى.
تۇعىرلى تۇلعانى ەسكە الۋ كەزدەسۋىن ۇيىمداستىرۋعا مۇرىندىق بولىپ وتىرعان ەلورداداعى ۇلتتىق كىتاپحانا ماماندارى مەن الاش رۋحانياتىنىڭ ارداعى تۋرالى باياندى ءسوز ايتۋعا كەلگەن قوناقتار الدىمەن وسى شاراعا قاتىسىپ وتىرعان كىتاپحانالارمەن ونلاين-بايلانىسقا شىعىپ, قادەكەڭ جايلى اسەرلى اڭگىمە ءوربىتتى. اسىرەسە, اقىندى كوزىمەن كورگەن, قاسىندا ءىنى
بولىپ جۇرگەن سەرىك تۇرعىنبەكۇلى, زامانداسى تابىل قۇلياس, تولىمبەك ءابدىرايىم, ەلەنا ابدىحالىقوۆا, مارجان ەرشۋ سەكىلدى قالامگەرلەر حالقىنىڭ ارداقتىسىنا اينالعان تۇلعا تۋرالى ەستەلىكتەرىمەن وي ءبولىستى.
ازامات ەسەنجول