نۇر-سۇلتان قالاسى تىلدەردى دامىتۋ جانە ارحيۆ ءىسى باسقارماسى قازاقستان رەسپۋبليكاسىنداعى ءتىل ساياساتىن ىسكە اسىرۋدىڭ 2020-2025 جىلدارعا ارنالعان مەملەكەتتىك باعدارلاماسىن ىسكە اسىرۋ جونىندەگى ءىس-شارالار جوسپارى اياسىندا ءتىل تۋرالى زاڭناما تالاپتارىن ءتۇسىندىرۋ ماقساتىندا 15-20 قازان ارالىعىندا مەملەكەتتىك جانە قۇرىلىمدىق مەكەمەلەردە اقپاراتتىق كۇندەر وتكىزدى.
العاشقى كەزدەسۋ قۋىرشاق تەاترى ۇجىمىمەن ۇيىمداستىرىلدى. سونىڭ اياسىندا ءتىل جاناشىرى, قوعام قايراتكەرى ورازكۇل اسانعازىقىزىمەن اڭگىمەدە تەاتر قىزمەتكەرلەرى مەملەكەتتىك ءتىل ساياساتىنا قاتىستى كوكەيكەستى سۇراقتارعا جاۋاپ الىپ, ءوز ويلارىن ورتاعا سالدى.
اقپاراتتىق كۇندەر شەڭبەرىندە تاعى وسىنداي كەزدەسۋ نۇر-سۇلتان قالاسى اكىمدىگىنىڭ ە.راحماديەۆ اتىنداعى مەملەكەتتىك اكادەميالىق فيلارمونيا ۇجىمىمەن دە ءوتتى. كەزىندە سارىارقا اۋدانى اكىمىنىڭ ورىنباسارى بولىپ, ەلوردانىڭ تىلدەردى دامىتۋ باسقارماسىن باسقارعان ورازكۇل اسانعازىقىزى ءتىل سالاسىندا سول جىلدارى اتقارىلعان جۇمىستار تۋرالى اڭگىمەلەپ, بۇگىنگى ماقساتتارعا توقتالدى.
