ەل تىنىسى

اقشا تاۋىپ العىڭىز كەلسە, ەرتەڭ سەنبىلىككە كەلىڭىز…

استانا اكىمدىگى ەلوردا تۇرعىندارى مەن قوناقتارىن وسى سەنبى,13 ساۋىردە باستالاتىن «تازا قازاقستان. استانا – تازالىق پەن ءتارتىپتىڭ ۇلگىسى» ەكو-ايلىعىنا شاقىرادى, دەپ حابارلايدى astana-akshamy.kz

ەكو-ايلىق اياسىندا قالانى, نوسەر جانە ارىق كارىز جەلىلەرىن سانيتارلىق تازارتۋ, كوشەلەردى, تروتۋارلاردى, كۆارتالىشىلىك اۋماقتاردى, قوعامدىق كەڭىستىكتەر مەن اۋلالاردى تازالاۋ جۇرگىزىلەدى. سونداي-اق, جاسىل جەلەكتەردى كۇتىپ-باپتاۋ جانە وتىرعىزۋ بويىنشا ماۋسىمدىق اگروتەحنيكالىق جۇمىستار, ساۋدا نىساندارىنا ىرگەلەس اۋماقتاردى جيناۋ, كوگالدار مەن گۇلزارلاردى كۇتىپ-باپتاۋ بويىنشا ءىس-شارالار, رۇقسات ەتىلمەگەن قوقىس تاستايتىن جەرلەردى جويۋ جانە ت.ب. جۇرگىزىلەدى.

ءاربىر ادام ەلوردامىزدى ادەمىرەك جانە تازا ەتۋ ءۇشىن ۇلەس قوسا الادى. اكتسيانى قولداۋعا كەلگەن قالا تۇرعىندارى مەن قوناقتارىنا ارناپ ەرەكشە توسىن سىي ازىرلەندى. قالانىڭ ءۇش ورنىندا «ورەل مەن رەشكا» باعدارلاماسىنىڭ فورماتىندا اقشالاي سىيلىقتار جاسىرىلادى. ولاردى سەنبىلىك كەزىندە تابۋعا بولادى. مىسالى, قالاداعى ورىندارعا ساياباقتار, قوعامدىق كەڭىستىكتەر, گۇلزارلار, جەلەكجولدار جاتادى. اقشالاي سىيلىقتىڭ مولشەرى – 50 مىڭ تەڭگە (جالپى جۇلدە قورى – 150 مىڭ تەڭگە, دەمەۋشىلىك قاراجات ەسەبىنەن).

سونداي-اق, قالاداعى كاسىپورىنداردىڭ, ميب (پيك), شاعىن جانە ورتا بيزنەس سۋبەكتىلەرىنىڭ (بازارلار, ساۋدا-ويىن-ساۋىق ورتالىقتارى, كافەلەر, مەيرامحانالار جانە ت.ب.) وكىلدەرىن, ەرىكتىلەردى جانە ت.ب. ەكو-ايلىققا قاتىسۋعا شاقىرىلادى.

«تازا قازاقستان. استانا – تازالىق پەن ءتارتىپتىڭ ۇلگىسى» قالانى سانيتارلىق تازارتۋ, اباتتاندىرۋ جانە كوگالداندىرۋ بويىنشا ەكو-ايلىق 13 ساۋىردەن باستاپ 11 مامىرعا دەيىن جالعاسادى.

تاعىدا

admin

«استانا اقشامى» گازەتى

ۇقساس جاڭالىقتار

Back to top button