ءبىلىممادەنيەت

اقىن – ەلدىڭ ارداعى

IMG_0927

№ 67 گيمنازيادا «اقىن – ەلدىڭ ارداعى» تاقىرىبىمەن كەزدەسۋ كەشى ءوتتى. وعان حالىققا ءبىلىم بەرۋ ءىسىنىڭ ۇزدىگى, جارتى عاسىر بويى ۇستازدىق قىزمەت اتقارىپ, شاكىرتتەرىنە تۋعان ءتىل مەن ادەبيەتتىڭ مايەگىن ءسۇزىپ بەرگەن تىلەۋبەك ىسقاقوۆ, اقىندار – «ابايتانۋ» عىلىمي-تانىمدىق ورتالىعىنىڭ ديرەكتورى الماحان مۇحامەتقاليقىزى جانە حالىقارالىق «شابىت» شىعارماشىل جاستار فەستيۆالىنىڭ لاۋرەاتى اسىلزات ارىستانبەك قاتىستى.

گيمنازيانىڭ قازاق ءتىلى بىرلەستىگىنىڭ جەتەكشىسى گۇلىم ابدىعاليەۆا ۇيىمداستىرعان كەزدەسۋدە الدىمەن وقۋ ورنىنىڭ جاس  بۋىن قالامگەرلەرى ونەرلەرىن كورسەتتى. كەش قوناقتارىنىڭ شىعارمالارىن نازەركە ابدىكارىموۆا, ايتولقىن وتەۋلينا, اسقار ءالي سىندى وقۋشىلار مانەرلەپ وقىعان سوڭ كەزەك «ولەڭگە تالاسى بار» وقۋشىلارعا بەرىلدى. وندا قالالىق ءحVى تىلدەر فەستيۆالىنىڭ اياسىندا وتكەن جاس اقىندار ءمۇشايراسىنا قاتىسقان ابزال ورىنباساروۆ, اياجان داۋرەنقىزى انا ءتىلى, ەل مەن جەر تۋرالى ولەڭدەرىن وقىپ, قابىلەتتەرىن بايقاتتى.  اسەم ءان دە اۋەلەدى.

وقۋشىلاردىڭ ونەرىنە ريزا بولعان قوناقتار اقىندىق ونەر جايىندا ويلارىن ورتاعا سالدى. ارينە, ولار سوزدەرىن بار قازاق باس اقىن سانايتىن اباي قۇنانبايۇلىنان باستادى. الماحان مۇحامەتقاليقىزى ءوزى باسقاراتىن ورتالىقتىڭ «ۇلىلار مەكەنىنە ساياحات» جوباسى جونىندە ايتىپ بەرىپ, وقۋشىلاردى قىزىقتىردى. بيىل وسى جوبانىڭ ارقاسىندا اباي ەلىنە بارىپ قايتقان وزگە قوناقتار دا ساپاردان العان اسەرلەرىن ايتتى.

كەزدەسۋ سوڭىندا گيمنازيا ديرەكتورى گۇلنار سادىقوۆا ءسوز الىپ, ەستە قالارلىقتاي ءتالىمدى اڭگىمە ايتقان كەش قوناقتارىنا ۇجىم اتىنان العىسىن ءبىلدىرىپ, ەستەلىك سىيلىقتاردى تارتۋ ەتتى.

 امانعالي شميتۇلى

تاعىدا

admin

«استانا اقشامى» گازەتى

ۇقساس جاڭالىقتار

پىكىر ۇستەۋ

Back to top button