گاز باعاسىنىڭ قىمباتتاۋىنا قاتىستى حالىقتىڭ تالابى ورىندى دەپ ويلايمىن. جالپى ەلدە ەكونوميكالىق شەشىم قابىلدار كەزدە, ونىڭ الەۋمەتتىك-ساياسي تۇسىن دا ۇمىتپاعان ءجون. حالىق تاعدىرى مەن مۇددەسىنە قاتىستى زاڭ, رەفورما نەمەسە شەشىم قابىلدار الدىندا جۇرتتى حاباردار ەتكەن دۇرىس. ياعني ءبىز جوسپار قۇرىپ, شەشىم قابىلداعان كەزدە الدىمەن ادامنىڭ مۇددەسىن ەسكەرۋىمىز قاجەت.
سوسىن حالىق ءۇشىن ىسكە اسىپ جاتقانى شارانىڭ ارتىق-كەم تۇسىن سارالاپ, اپروباتسيادان وتكىزۋ كەرەك. تاعى ءبىر ماڭىزدى دۇنيە بولىپ جانە بولايىن دەپ جاتقان جايت تۋرالى حالىقتى جان-جاقتى اقپاراتتاندىرۋ ماڭىزدى. ەندى جاساقتالاتىن ۇكىمەت جوعارى ايتىلعان جايتتاردى نازارعا العان ءجون. بۇگىن مەملەكەت باسشىسى قوزعاعان تاعى ءبىر ماڭىزدى ماسەلە – جەكە تۇلعالاردىڭ ءوزىن بانكروت دەپ جاريالاي الۋى. ومىردە ءتۇرلى جاعداي بولىپ جاتادى, ادامدار قارىزعا باتىپ جاتادى نەمەسە نەسيەسىن ۋاقىتىلى تولەي الماۋى مۇمكىن. سونداي جاعدايدا تەك زاڭدى تۇلعالار ەمەس جەكە تۇلعالار دا وزىن بانكروت دەپ تانىپ, جەكە ماسەلەنى شەشۋدىڭ ءبىر جولى. بۇل – ءبىراز ەلدەردە بار پراكتيكا. كوممۋنالدىق تاريفتەردىڭ باعاسى دا ۋاقىتىلى كوتەرىلىپ وتىر. سەبەبى ونىڭ سالماعى باياعى حالىقتىڭ قالتاسىنا تۇسەدى. جانە پرەزيدەنت 180 كۇندى بەلگىلەپ وتىر, ياعني وسى ۋاقىتتىڭ ىشىندە جاعدايدى بىرجاقتى قىلۋ كەرەك. بۇل – ۇكىمەتكە جۇكتەلەتىن مىندەت. وز باسىم پرەمەر-مينيستر دۇرىس شەشىم قابىلدادى دەپ ەسەپتەيمىن. ۇكىمەت باسشىسىنىڭ جاۋاپكەرشىلىكتى وز موينىنا الىپ, وتستاۆكاعا كەتۋى زاڭدى ءارى ازاماتتىق شەشىم دەپ ويلايمىن. بۇگىندە ۇكىمەتتىڭ جاڭا قۇرامىن جاساقتاۋعا كىرىسىپ جاتىر, جۋىردا فراكتسيا وتىرىسى تەدى. ال قۇقىق قورعاۋ ورگاندارى الەۋمەتتىك جەلىدە تاراپ جاتقان ءتۇرلى اقپاراتتار مەن ۆيدەولارعا ساراپتاما جۇرگىزۋ كەرەك. ارانداتۋشىلىقتان اۋلاق بولۋ كەرەك. ياعني حالىقتى شاتاستىرۋعا جول بەرمەۋ قاجەت. ەل ىشىندە ىرىتكى سالماۋ ءۇشىن جەلىدە تاراپ جاتقان اقپاراتتاردى سارالاعان ءجون. تەك رەسمي دەرەكتەرگە سۇيەنىپ, فەيك اقپاراتتاردان اۋلاق بولعانىمىز دۇرىس.
ايدوس سارىم, ءماجىلىس دەپۋتاتى
