استانا قالاسىنىڭ سارىارقا اۋدانىندا ارداگەر ۇرپاققا قۇرمەت كورسەتۋ ەرەكشە داستۇرگە اينالىپ وتىر. بۇگىنگى تاڭدا اۋدان اۋماعىندا 70 ۇلى وتان سوعىسىنىڭ مايدانگەرى, 2077 تىل ارداگەرى تۇرادى. جىل سايىن ۇلى جەڭىس كۇنى, قارتتار كۇنى جانە باسقا دا مەملەكەتتىك مەرەكەلەردە اۋدان اۋماعىندا تۇراتىن ارداگەرلەر ءۇشىن ءتۇرلى ءىس-شارالار مەن قايىرىمدىلىق اكتسيالارى ۇيىمداستىرىلادى. بيىلعى جەڭىس مەرەكەسى بارىسىندا اۋدان ارداگەرلەرى 200-گە جۋىق شاراعا قاتىستى.
بيىل ۇلى جەڭىس كۇنىنە وراي سارىارقا اۋدانى اكىمدىگىنىڭ باستاماسىمەن جالپى قالالىق سەنبىلىكتە اۋدان ارداگەرلەرى №60 مەكتەپ-ليتسەيمەن بىرلەسىپ «ەستەلىك اللەياسىن» اشۋعا قاتىستى. سيحىمباي مامىروۆ, جاپاش كاشەكوۆ, ۆاسيلي ماكاروۆ, الەكسەي فرولوۆ, ميحايل كوچەتكوۆ, ەكاتەرينا پلۋجنيكوۆا سىندى مايدانگەرلەر مەكتەپ وقۋشىلارىمەن بىرگە جاس قاراعايلار وتىرعىزدى. شارا سوڭىندا ارداگەرلەرگە ادەبي-مۋزىكالىق كومپوزيتسيا كورسەتىلدى.
اۋداندىق ارداگەرلەر كەڭەسىنىڭ باستاماسىمەن رەسەي مادەني ورتالىعىندا, «ەكى جاۋىنگەر» ەسكەرتكىشى جانىندا مەرەكەلىك شارالار ۇيىمداستىرىلدى. استانا قالاسىنىڭ مەملەكەتتىك مۇراعاتى مەكەمەسىندە سوعىس جانە تىل ارداگەرلەرى «جاس ۇلان» مەكتەبى كۋرسانتتارى جانە قالا مەكتەپتەرى وقۋشىلارىمەن كەزدەستى. سونداي-اق, وسىنداي تاعىلىمدى شارالار ءاليا مولداعۇلوۆا ەسكەرتكىشى جانىندا, كوكتال كەنتىندە, №1, №9, №60, №80 مەكتەپتەر مەن مەنەدجمەنت جانە بيزنەس كوللەدجىندە وتكەن شارالار دا مايدانگەرلەردىڭ مەرەيىن ءوسىردى. سارىارقا اۋداندىق ارداگەرلەر كەڭەسىنىڭ «ارقا اۋەندەرى» ۆوكالدىق توبى ق.قۋانىشباەۆ اتىنداعى تەاتردا كونتسەرت قويدى. بۇل ونەر ۇجىمىنىڭ مۇشەلەرى – وتە بەلسەندى ازاماتتار. مەرەكە سايىن كونتسەرتتىك باعدارلامالار دايىندايدى. ءبىز ءوز تاراپىمىزدان ولاردىڭ حالىق الدىنا شىعىپ ونەرلەرىن كورسەتۋگە قولداۋ بىلدىرەمىز.
ارداگەرلەر اراسىندا شاڭعى جارىسى, «پەتانگ» ويىندارى, شاحمات باسەكەلەرى ۇيىمداستىرىلدى. وسىنداي جارىستارعا قاتىسقان ارداگەرلەردىڭ بارىنە سىي-سىياپاتتار بەرىلدى. اۋداندىق ارداگەرلەر كەڭەسى تاراپىنان قالامىزدا ءوتىپ تۇراتىن بۇقارالىق شارالارعا بەلسەندى قاتىساتىن ارداگەرلەرگە قاشاندا قولداۋ كورسەتىلەدى. ال ارداگەرلەردىڭ ءوز تاراپىنان ايتىلاتىن يگى باستامالارى, ۇسىنىس-تىلەكتەرى ءاردايىم كەڭەستىڭ ماجىلىسىندە قارالىپ, قاجەتىنشە جۇزەگە اسىرىلىپ وتىرادى. وسى ورايدا اۋدانىمىزدىڭ ءار اۋماعىندا ارداگەرلەرگە ارنالعان الەۋمەتتىك-مادەني شارالار ۇيىمداستىرۋ داستۇرگە اينالىپ وتىر. بۇل رەتتە اۋدان اۋماعىنداعى مەكتەپتەر, كوللەدجدەر, مادەني مەكەمەلەر وتە بەلسەندى ەكەنىن ايتقىمىز كەلەدى. ءتۇرلى كەزدەسۋلەر, قايىرىمدىلىق كومەك كورسەتۋ, كونتسەرتتىك باعدارلامالار ۇسىنۋ, مەرەكەلىك اس ۇيىمداستىرۋ جۇزەگە اسىرىلىپ كەلەدى.
اۋدان اۋماعىندا وتكىزىلگەن شارالار بارىسىندا ارداگەرلەرگە مەرەكەلىك تۇسكى اس بەرۋ دە جاقسى ۇيىمداستىرىلدى. بۇل رەتتە «ەۆروپا پالاس», «پەريزات», «استانا نۇرى», «رەال», «تۋراندوت» مەيرامحانالارىنا ارداگەرلەر ريزاشىلىعى شەكسىز بولدى.
«دۋمان» ويىن-ساۋىق ورتالىعىندا قوناقتا بولعان ارداگەرلەردىڭ دە كوڭىلدەرى كوتەرىلدى. مەرەكەلىك شارالار بارىسىندا ارداگەرلەرگە اۋدان اۋماعىنداعى كوممەرتسيالىق مەكەمەلەردىڭ قولداۋىمەن جالپى سوماسى 2 500 000 تەڭگەنى قۇرايتىن ازىق-تۇلىك جيىنتىقتارى ۇسىنىلدى. «ناش يۋبيليار» اتتى اكتسيا وتكىزۋ باستالدى. بۇل شارادا مەرەيلى جاسقا, التىن تويعا جەتكەن ارداگەرلەر وتباسىلارىن قۇتتىقتاۋ ۇيىمداستىرىلادى.
سارىارقا اۋدانىندا تۇراتىن سوعىس جانە تىل ارداگەرلەرىنە, ولارعا تەڭەستىرىلگەن تۇلعالارعا قايىرىمدىلىق شارالارىن وتكىزۋ بەرىك داستۇرگە اينالىپ وتىر. وسى ورايدا اۋداندىق ارداگەرلەر كەڭەسىنىڭ جۇمىسىن ۇيلەستىرىپ ءارى قولداۋ ءبىلدىرىپ وتىرعان سارىارقا اۋدانى اكىمدىگىنە, استانا قالاسىنىڭ ارداگەرلەر كەڭەسىنە اۋدانىمىزدىڭ ارداگەرلەر قاۋىمى شەكسىز ريزاشىلىعىن بىلدىرەدى.
جالپى سارىارقا اۋدانىندا ارداگەرلەر ۇيىمى تاراپىنان جىل بويىنا باعىتتالعان جۇمىس جوسپارى بار. ونىڭ باستى ماقساتى – ارداگەرگە جان-جاقتى قولداۋ كوسەتۋ بولىپ سانالادى.
ە.احمەتوۆ,
سارىارقا اۋدانى ارداگەرلەر كەڭەسىنىڭ توراعاسى
