استاناداعى باسقارۋ كوللەدجىندە «كاسىبي جانە تەحنيكالىق ءبىلىم بەرۋدى دامىتۋدىڭ قازىرگى زامانعى ادىستەرى» اتتى رەسپۋبليكالىق عىلىمي-تاجىريبەلىك كونفەرەنتسيا ءوتتى. ول اتالمىش ءبىلىم مەكەمەسىنىڭ ارداگەر ۇستازى, قازاقستان رەسپۋبليكاسى ءبىلىم بەرۋ ءىسىنىڭ قۇرمەتتى قىزمەتكەرى, «ى.التىنسارين» مەدالىنىڭ يەگەرى, دوتسەنت ميحايل گوربۋنوۆتىڭ 70 جىلدىق مەرەيتويىنا ارنالدى.
كونفەرەنتسياعا استاناداعى 14 كوللەدج بەن 7 رەسپۋبليكالىق دەڭگەيدەگى ورتا كاسىبي ءبىلىم بەرۋ مەكەمەسىنىڭ وكىلدەرى قاتىستى. ولاردىڭ اراسىندا قازاق ەكونوميكا, قارجى جانە حالىقارالىق ساۋدا; تەحنولوگيا جانە بيزنەس ۋنيۆەرسيتەتتەرىنىڭ وقىتۋشىلارى مەن بىلىكتىلىكتى ارتتىرۋ ينستيتۋتىنىڭ ماماندارى, سونداي-اق, ەلوردامىزداعى كوللەدجدەردىڭ مۇعالىمدەرى دە بار. ولار پەداگوگيكالىق ءبىلىم بەرۋدىڭ كوكەيكەستى پروبلەمالارى مەن قۇزىرەتتى ماماندار دايارلاۋداعى اقپاراتتىق تەحنولوگيانىڭ ءرولى تۋرالى ءوزارا وي ءبولىستى.
باسقارۋ كوللەدجى ديرەكتورىنىڭ عىلىمي-ادىستەمەلىك جۇمىستار جونىندەگى ورىنباسارى ل.يبراەۆا مەرەيتوي يەسىنىڭ ءومىرى مەن ونىڭ ءبىلىم بەرۋ سالاسىنا قوسقان ۇلەسى تۋرالى قىسقاشا بايانداما جاسادى. شارا سوڭىندا باسەكەگە قابىلەتتى تۇلعانى تاربيەلەۋدەگى سونى پىكىرلەرىمەن ەرەكشەلەنگەن قاتىسۋشىلار ديپلومدارمەن ماراپاتتالىپ, العىس حاتتارعا يە بولدى.
