اقمولا وبلىسىنىڭ زەرەندى اۋدانىندا ارحەولوگيالىق ەسكەرتكىشتەردى قورعاۋ-قۇتقارۋ جۇمىستارىن جۇرگىزۋ بارىسىندا اريلىك سۆاستيكا بەينەلەنگەن ءۇش قىش ىدىس تابىلدى.
كەيىنگى قولا داۋىرىنە, اندرونوۆ مادەنيەتىنە جاتاتىن ارحەولوگيالىق جادىگەر تۋرالى Bnew.kz اقپاراتتىق پورتالىنا تاريحي-مادەني مۇرالاردى قورعاۋ جانە پايدالانۋ ورتالىعىنىڭ اقمولا وبلىسى بويىنشا ءبولىم مەڭگەرۋشىسى سەرىك ىسقاقوۆ تۇسىنىكتەمە بەردى.
«قورعاۋ-قۇتقارۋ جۇمىستارى قوشقارباي-1 قورىمىنىڭ التى ارحەولوگيالىق ەسكەرتكىشىندە جۇرگىزىلىپ, 30 قولا بۇيىم مەن 8 كەراميكا ىدىس تابىلعان بولاتىن. جالپى, قوشقارباي-1 قورىمىنىڭ اۋماعىندا قولا داۋىرىنەن ورتا عاسىرلارعا دەيىنگى 150-دەن اسا ەسكەرتكىش ورنالاسقان» دەيدى س.ىسقاقوۆ.
ال, سۆاستيكا بەينەلەنگەن اتالمىش كونەلىك زەرەندى اۋدانىنىڭ كەڭەسكول اۋىلىنىڭ جانىندا, شاعالالى وزەنىنەن جوعارىعا قاراي 700 مەتر قاشىقتىقتاعى № 5 قورعاننان تابىلىپتى.
