باستى اقپارات

ارمانداي اسقاق استانا

استانا — وتانىمىزدىڭ جۇرەگى. استانا — ەۋروپا مەن ازيانىڭ ەسىگى. استانا — تاۋەلسىز قازاقستاننىڭ تاريحي شەجىرەسى. ال, وسى تاريحتى جاساۋشى — پرەزيدەنت نۇرسۇلتان نازارباەۆ. ەلوردانىڭ ءون-بويىندا ەلباسىنىڭ عاسىرلىق قولتاڭباسى, جاسامپازدىققا جەتەلەگەن جارقىن جەڭىسى جاتىر.

ازات ەلدىڭ ايبىنى

قازاق ەلىنىڭ تاۋەلسىزدىك شەجى­رە­سىندەگى تولايىم تابىستاردى تۇگەندەگەندە, اۋىزعا الدىمەن ورا­­لا­­تى­­نى­­ – استانا. اسىل تەكتى ا­تا­-با­با­لا­رى­مىز­دىڭ­ ار­ما­نى­ دا­ وسى ەدى. بار قازاقتىڭ باسىنا قون­­عان­ با­عى­ بول­دى­ بۇل­ اس­تا­نا­. قا­­زاق­­­ قا­­زاق­­ بول­­عا­­لى­­ ءوز­ اس­تانا­سىن­ قاي­دا­ ور­نا­تۋ­دى­ ءوزى شەشكەنى وسى. بۇرىن دا قازاقتىڭ استاناسى تا­لاي­ رەت­ ءوز­گەر­گەن. بىراق, مۇنىڭ ءبارى قازاقتىڭ ءوزىنىڭ ەمەس, وزگەنىڭ نۇسقاۋىمەن جۇزەگە استى.

ال, ازاتتىقتىڭ اق تاڭى ات­قان­ تۇس­­­­تا­­ ەل­­­با­­­سى­­ «ءتا­­ۋەل­­سىز­­ ەل­­مىز­­, ءتا­­­ۋەل­­­­سىز­­­ مەم­­­لە­­­كەت­­­تىڭ­­­ ءوز­­­ اس­­­تا­­­نا­­­سى­­­ بو­­ل­ۋى­ كەرەك» دەپ, سارىارقانىڭ سا­­يىن­ دا­لا­سى­نا­ باس­ شا­ھار­دىڭ­ قا­دا­­سىن­ قا­عىپ­, كۇل­لى­ الاش­ ار­ما­نى­ مەن­ اما­نا­تىن ورىن­دا­دى.­

استانانى اۋىستىرۋ تاجىريبەسى – الەم حالىقتارىندا بار قۇبى­لىس. زەرت­تەۋشىلەردىڭ ايتۋىن­شا, دۇنيە­جۇزىندە مۇنداي شەشىم­نىڭ 140-تان اس­تام مىسالىن كەز­دەس­تى­رۋ­گە بو­لا­دى­ ەكەن. بىراق استانا اۋىس­تىرۋدىڭ ءبا­رى ءساتتى بولا بەرمەگەن.

ال, قازاقتىڭ ءوزى-ءوز بولىپ جا­سا­عان­­ باتىل قادامى وزىنە باق بولىپ قون­­­دى.

استانانى كوشىرۋ يدەياسى العاش رەت­ مەملەكەت باسشىسىنىڭ اۋزىنان شىققان كەزدە كوپشىلىك مۇنى جاي ايتىلا سالعان سوزگە بالادى. 1990 جىلداردىڭ باسىندا ەلوردانى تۇرعىزۋ قيال سەكىلدى كورىنگەنى راس. جاڭا استانا تۇرعىزۋ ءۇشىن قىر­­ۋار­ قار­جى,­ ءىرى­ ينۆەس­تي­تسيا­ قا­­­جەت­ ەدى.­ ول­ كەز­دە­ «باي­تال­ ءتۇ­گى­لى­, باس قايعىمەن» جۇرگەن ەلدىڭ جاع­دايى مۇشكىل-تۇعىن. ءوندىرىس اتاۋ­­لى تۇرالاعان, حالىققا جا­لا­­قى­­ مەن­ زەي­نە­تا­قى­ ءتو­لەۋ­گە­ بيۋد­جەت­تىڭ قاۋقارى تومەن كەز. ءمى­نە­, وسىن­داي­ قيىن­-قىس­تاۋ­ كە­زەڭ­دە ەل­با­سى­ ەل­ اس­تا­نا­سىن­ اۋىس­تى­رۋ­ ماسەلەسىن كۇن تارتىبىنە قوي­عان­دا­, جۇرت­شى­لىق­تىڭ­­ سەن­بەي­, ابىر­­جىپ­­ قال­عا­نى­ شىن­.­ ءتىپ­تى, كەيبىر كەراۋىز باسىلىمدار «ەل­ كۇ­نىن­ كو­رە­ ال­ماي­ قي­نا­لىپ­ وتىر­عان­دا­, ەل­ور­دا­ سال­عا­نى­ نە­سى­ مى­نا­ قا­زاق­تار­دىڭ؟!» دەپ كە­كە­تە­ جا­زىپ­ جات­تى.­ ءبى­راق,­ پرە­زي­دەنت­ ەل­دىڭ­­ كە­لە­شە­گى­نە­ ما­ڭىز­دى­ وسى­ ۇسى­نى­سى­نان­ اينىعان جوق. بۇل يدەيا­سى­ن­ىڭ­ تو­سىن­نان­ ەمەس, ءۇل­­كەن­ وي­-تول­عا­نىس­تان­ كە­يىن­ تۋ­عا­نىن­­ ەلباسى 1994 جىلعى 6 شىلدەدە ءوت­­كەن جوعارى كەڭەستىڭ پلەنارلىق ءما­جى­لى­سىن­دە­ دايەكتى مىسالدارمەن, وي­­لى­­ تۇ­­جى­­رىم­­­دار­­مەن­­ ءدا­­لەل­­دەپ­­ شىق­­تى.­­ ەل­­با­­سى­­نىڭ­­ ءسو­­زى­­مەن­­ ايت­­ساق,­ «ەر­­تە­­دە­­گى­­ ەر­­ با­­با­­مىز­­ ەدى­­گە­­دەن­­ باس­­­تاپ,­­ اي­­بىن­­دى­­ ابى­لاي­عا دە­يىن­گى­ حان­­­دا­رى­مىز­دىڭ­ ءبا­رى­ وسى ەسىل بو­يى­­ندا ور­دا­ تىك­كەن­دە­رى­ ءتىپ­تى­ دە­ تە­­گىن­­ بول­­ما­­سا­­ كە­­رەك».­­ نۇر­سۇل­تان­ ءابىش­­­ۇلى­ اس­­تا­­نا­­نى­­ اۋىس­­­تى­­رۋ­­ تۋ­­را­­­لى­­­ شە­­شى­­مىن­­ قا­­بىل­­دار­­ تۇس­­تا­­ بۇ­رىن­­عى­ كو­­رە­­گەن­­ كو­­­نە­­­كوز­­­دەر­­دىڭ­­ دە­­ وسيە­­تىن­­ ەس­­كەر­­گەن­­ ەكەن.­­ ءاي­گى­لى­­ پو­لياك­ سايا­حات­شى­سى­ ادولف يانۋش­كە­ۆيچ­تىڭ­ ءوزى «اق­مو­لا­ – ءبۇ­كىل­ دا­لانىڭ بولاشاق استاناسى» دەگەن ەكەن ءوز جازبالارىندا.

ەل­ور­­­دا­نى­ اۋىس­تى­رۋ­,­ ناق­­تى­­ ءجۇ­زە­گە­ اسا­­تىن­ ءىس­ ەكەن­دى­گى­نە­ سون­دا­ عا­نا­ كوز­دە­رى­ جەت­كەن­ كوپ­شى­لىك­­تىڭ­ ءپى­كى­رى­ ەكى­گە­ جا­رىل­دى.­ ءاري­نە,­ باس­تا­ما­نى­­ قۇپ­­تا­­عان­­نان­ قۇپتاماعاندارى باسىم بولدى. «جازى – مازاڭ, قىسى – قا­تال,­ تار­ كو­شە­­لەر­ مەن­ جەر­گە­ كى­رەر­دەي­ بول­عان­ شىم­ ءۇي­لە­رى­ كوپ­ جۇ­پى­نى­ قا­لا­ ءبىر­ ەل­دىڭ­ اس­تانا­سى­ قا­لاي­ بو­لا­دى؟»­ دەپ­ تاڭ­قا­لىس­تى­ جۇرت. بۇل يدەيانى بۇلدىر ساعىمعا اي­نالدىرىپ, بولاشاعىنا كۇدىكپەن قاراعانداردىڭ قاراسى قانشا كوپ بولسا دا ەل­با­سى­ تا­بان­دى­­لى­عى­نان­ تاي­­عان­ جوق.­

بار­ قا­زاق­تىڭ­ باس­ قا­لا­سى­ رە­تىن­دە با­يىر­عى­ اق­مو­لا­عا­ تاڭ­داۋ­دىڭ­ ءتۇ­س­ۋى بە­كەر­­دەن­-بە­­كەر­ ەمەس­-ءتىن.­ جال­پى­, الەم­دە­ قا­لىپ­تاس­قان­ ءتار­­تىپ­ بو­يىن­شا­ بەل­گىل­ى ءبىر­ قا­لا­نىڭ­ اس­تا­نا­ اتا­نۋى ءۇشىن ول­ 32­ تا­لاپ­قا­ ساي­ بول­ۋى­ كە­رەك­ ەكەن.­ اق­مو­لا­ وسى ولشەمدەردىڭ تۇگەلىنە لايىق بولىپ شىققان.

بۇعان قوسا, كەڭەس ۇكىمەتى تۇسىن­دا تىڭ يگەرۋشىلەردىڭ قونىسىنا اي­نال­عان اقمولادا جەرگىلىكتى ۇلتتى قۇراۋشى – قازاقتاردىڭ سانى كۇرت تومەندەپ كەتكەن ەدى. وسى ۇرىمتال تۇس­­تى ۇتىمدى پايدالانىپ, ءوز ءمۇد­دە­­سى­نە يكەمدەپ قالعىسى كەلگەن جات­ پي­عىل­دى­لار­ دا­ قا­را­ كور­سە­تىپ­ تۇر­دى.­

اس­تا­نا­نى­ كو­شى­رۋ­دە­گى­ ەڭ­ باس­تى­ مۇ­رات­ تا­ سول,­ اتا-­با­با­ مە­كە­نىن­ قا­زا­­قى­لان­دى­رۋ,­ وعان­ كوز سۇعىن قاداي بەرگەن الدەكىمدەردىڭ بوتەن ويىنا بوگەت قويۋ بولاتىن.

ءارى گەوگرافيالىق جاعىنان الىپ­ قا­را­عان­دا­ قا­زىر­گى­ اس­تا­نا­ – ەۋ­را­زيا­ كە­ڭىس­تى­گى­نىڭ­ كىن­دى­گىن­دە­ ورىن­ تەپ­­كەن.­ ياع­ني­, تو­عىز­ جول­دىڭ­ تو­را­بىن­دا­ ور­نا­لاس­قان­ شا­ھار­ سول­تۇس­تىك­ پەن­ وڭ­تۇس­تىك­كە,­ با­تىس­ پەن شىعىسقا ىقپال ەتۋ جاعىنان قولايلى بولدى. ونىڭ سىرتىندا ينفراقۇرىلىمداردى دا­­مىتۋ جاعىنان, قورشاعان ورتا مەن­ سەيسميكالىق جاعدايى, ەڭبەك رە­سۋر­ستارى ماسەلەسىنەن دە اقمولا باسقا قالالاردان وق بويى وزىق تۇردى.

تاۋەلسىز ەلدىڭ تۇڭعىش پرەزيدەن­تى­ — نۇرسۇلتان نازارباەۆ ەلىمىز­دىڭ­ وسى قاق تورىندە ەلوردا سالىنۋ قا­جەت­­تىگىن دەر كەزىندە بايقاپ, قيىن-قىستاۋ كەزەڭگە قاراماستان دۇرىس شەشىم قابىلداي ءبىلدى. بۇل شەشىمدى تىم تاۋەكەلشىل, باتىل قادام دەيتىنىمىز دە سوندىقتان.

ەلورداسىن اۋىستىرۋشى ەلدەر ەڭ الدىمەن ءوزىنىڭ ۇلتتىق ماقسات-مۇددەسىن ءبىرىنشى كەزەككە قويعانىن اڭعارۋعا بولادى. الاش استاناسىن كوشىرۋ دە وسىنداي ۇلتتىق ستراتە­گيا­لىق ۇلى مۇراتتان تۋىندادى. ءسويتىپ, ەلباسىنىڭ 1997 جىلدىڭ 20 قازانداعى جارلىعىمەن بۇ­رىن­­­­عى­ اقمولا قالاسى 1997 جىل­دىڭ­ 10­ جەلتوقسانىنان باستاپ, قازاق­ستان­نىڭ­ اس­تا­نا­سى­ ءمار­تە­بە­سىن­ يە­لەن­دى.­ ال, 1998 جىلدىڭ 10 جەلتوق­سا­نىن­­­دا­ پرە­زي­دەنت­تىڭ­­ اس­­تا­نا­نى­ اق­­­مو­لا­عا­ كو­­شى­رۋ­ تۋ­را­لى­ جار­لى­عى­ كۇ­شى­نە­ ەن­­­دى.

وسىلايشا, قازاق جەرىنە كوز الارتىپ, كوسەمسىگەندەردىڭ اۋزىنا قۇم قۇيىلدى. بۇكىل ءبۇتىن ءبىر ەلدىڭ استاناسىن «مەنىكى» دەپ مەنشىكتەپ الۋعا ەشكىمنىڭ دە باتىلى جەتپەس تە ەدى.

استانا ازات ەلدىڭ ايبىنىنا اينالدى. ەلوردانى كوشىرۋ – ەلىمىزدىڭ تاريحىنداعى ەرەكشە بەلەس بولدى. باعانالى باس وردا قازاق حالقىنىڭ مەرەيى مەن مارتەبەسىن بيىكتەتتى. الەم جۇرتشىلىعى قازاقستان دەسە – استانا, استانا دەسە – نازارباەۆ دەيتىن بولدى. مۇنىڭ ءوزى استانانىڭ ءون بويىندا ەلباسىنىڭ ەرەن ەڭبەگى مەن دارا قولتاڭباسى جاتقانىن اڭعارتسا كەرەك.

ەسىلدىڭ بويىنا ەل قوندىرعان

ەلباسى استانانى كوشىرۋ تۋرا­لى­ شە­شى­مىن­ جا­ريا­لا­عان­ كەز­دە­ جۇرت­شى­لىق­­تىڭ­ كو­بى­ ەل­وردا­نى ­سا­لۋ­عا­ كە­مى­ 25­-30­ جىل­ ۋا­قىت­ كە­رەك­ دەپ­ وي­لا­سا­ كە­رەك.­ ول­اي­ وي­لا­ۋى­­ زاڭ­دى­ دا.­ كە­زىن­دە­ ەسىل­دىڭ­ سول­ جا­عا­لا­ۋىن­دا­ ەل­ قون­باق­ ءتۇ­گى­لى,­ وڭ­ جاعالاۋىنداعى جاعداي دا شامالى ەدى. ءبىر كەزدەرى شاعىن شاھاردىڭ قانداي بولعانىن استاناعا العاش ءبىلىم قۋىپ كەلگەندەردىڭ ءبىرى رەتىندە ءبىز دە جاقسى بىلەمىز. 1997 جىلى العاش رەت اقمولاعا اياق ارتقاندا, كوزىمىزگە قوڭىرقاي كورىنگەن قالانى قومسىنىپ قالعانىمىز راس. كەش باتسا بولدى, تاس قاراڭعىلىق باساتىن تار كوشەلەر مەن جاۋىن جاۋسا مي باتپاقتانىپ كەتەتىن ويلى-شۇڭقىر ءوڭىر جانىڭدى جۇدەتىپ-اق جىبەرەتىن. ءبىز وقۋ ىزدەپ كەلگەن كەزدەگى تسەلينوگراد پەداگوگيكالىق ينستيتۋتىنىڭ دا جاڭادان ەۋرازيا ۇلتتىق ۋنيۆەرسيتەتى بولىپ قۇرىلا باستاعان كەزى. ول كەزدە بۇل وقۋ ورداسىنىڭ از ۋاقىتتىڭ ىشىندە قارقىندى دامىپ, ەلىمىزدەگى ەڭ بەدەلدى ءبىلىم وردالارىنىڭ بىرىنە اينالاتىنىن كىم بىلگەن؟! ال, قازىر وسى يدەيالاردىڭ تۇتاس ورىندالىپ وتىرعانىنا ءوزىمىز كۋا بولىپ وتىرمىز.

استانانى الەمدەگى اسەم شا­ھار­­لاردىڭ بىرىنە اينالدىرۋ ال­عاش­قى ساتتەن باستاپ-اق جۇزەگە اسى­رىلا باستادى. ەلوردانىڭ باس ­جوسپارىن ازىرلەۋ كەزىندە باس قالانىڭ جۇرتتان ەرەك بەينەسىن قالىپتاستىرۋعا ايرىقشا ءمان بەرىلدى. استانانىڭ باس جوسپارىن ايقىنداعان ەسكيز-نوبايلاردىڭ بايقاۋى دا قاتاڭ وتكىزىلدى. وتان­دىق مىقتى ساۋلەتشىلەردىڭ دە, الەمدىك تەڭدەسىز مامانداردىڭ دا تۋىندىلارى تارازىعا تارتىلدى.

حالىقارالىق دەڭگەيدەگى قازىلار القاسى ەسكيزدەردىڭ ءبارىن سارالاي كەلە, جاپوندىق ارحيتەكتور كەيشو كۋروكاۆانىڭ جوباسىن ۇزدىك دەپ تانىدى. وسى جوبا نەگىزىندە بولاشاق استانانىڭ قۇرىلىسى تۇرعىزىلا باستادى. ءۇش باعدارلامالىق كە­زەڭ­­گە بولىنگەن جۇمىستاردىڭ ال­­­­عاشقىسى 1998-2001 جىلدار ارا­لى­عىن قامتيدى. وسى ۋاقىت ارالىعىندا كەزىندەگى قوڭىرتوبەل كەيىپتى شاھاردى اسەم استاناعا اينالدىرۋ ماقساتى تۇردى.

جوبا ءسات­تى­ جۇزەگە استى. قىسقا شالىم مەرزىمنىڭ ىشىندە استانا توتىداي تۇرلەنىپ, بۇرىنعى ەسكى عيماراتتار كوز تانىماستاي وزگەردى.

كوشەلەرگە كورىك كىرىپ, مادەني وشاقتاردىڭ سانى كوبەيدى. ەلوردانىڭ «الەم قالاسى» اتانعانى دا وسى تۇس.

ەكىنشى كەزەڭ – 2001-2005 جىلدار ارالىعىندا ەسكى قالانىڭ ورنىنا جاڭا شاھار تۇرعىزىلدى. ياعني, كەزىندە ءبىرلى-جارىم عانا مەيرامحاناسى مەن مەيمانحاناسى, ازىن-اۋلاق دۇكەنى بولعان استانا جاڭاشا تۇرلەنىپ, ايشىقتى عيماراتتار بوي كوتەردى. تەك 1997-2007 جىلدار ارالىعىندا باس شاھاردا ۇزىن-ىرعاسى 25 جاڭا عيمارات سالىنعان ەكەن. بۇل ۇلكەن جەتىس­تىك ەكەنى انىق.

قاس-قاعىم ساتتە ءبىر قاداسىن قاعىپ ۇلگەرەتىن عيماراتتار استانانى الىپ قۇرىلىس الاڭىنا اينالدىردى.

دامۋدىڭ ءۇشىنشى كەزەڭىنە اياق باسقان ەلوردانىڭ بۇگىندە ەسكىسى ەس­تەن­ ءوشىپ,­ جا­ڭا­سى­ جا­دى­مىز­دا­ جاڭ­­عىر­دى.­ كوز الدىمىزدا كور­كەي­­گەن­ شا­ھار­دىڭ­ دامىل­سىز دامۋ ديناميكاسى كۇللى الەمنىڭ نازارىن وزىنە اۋداردى. 1998 جىلى ەلوردا­مىزعا يۋنەسكو-نىڭ شەشىمىمەن «بەيبىتشىلىك قالاسى» دەگەن قۇر­مەت­تى اتاق بەرىلدى. بۇل جايدان-جاي بەرىلە سالاتىن ماندات ەمەس. ول — الەۋ­مەتتىك-ەكونوميكالىق, ساياسي ءجا­نە مادەني دامۋعا قىسقا مەرزىم ءىشىن­دە قولجەتكىزگەن جاس قالالارعا بەرى­لەتىن اتاق.

ەركە ەسىلدىڭ بويىنا ەل قوندى­رىپ, ءسان-سالتاناتى كەلىسكەن ءساۋ­لەت­تى شاھار سالعان ەلباسىنىڭ بۇل ەڭ­بەگى تاۋەلسىز ەلىمىزدىڭ ەڭ ۇلكەن تابىسى, تاريحي جەڭىسى بولعانى انىق.

تاۋەلسىزدىگىمىزدىڭ تىرەگى, وتانىمىزدىڭ جۇرەگى

استانا – ەلباسىنىڭ ءتول تۋىن­دىسى. ەلوردانىڭ ءار كىرپىشىن قالاۋعا پرەزيدەنتىمىز بار كۇش-قايراتىن, ىنتا-جىگەرىن سالدى. جۇرەك مەيىرىمىن, جان جىلۋىن, جاناشىرلىق سەزىمىن سىيلادى. ءار دامۋ قادامىن قالت جىبەرمەدى. «استانا – مەنىڭ قۋانىشىم, ماق­تا­نىشىم. ونىڭ ءار عيماراتى قا­لاي­ سالىنعانى ماعان جاقسى تانىس» دەيدى ەلباسى ەلورداعا دە­گەن ەرەك سۇيىسپەنشىلىكپەن. باس شاھاردىڭ قىسقا دا نۇسقا, قاي تىلدە دە ۇعىنىقتى ەستىلەتىن اۋەزدى اتاۋىن دا نۇرسۇلتان ءابىشۇلىنىڭ ءوزى ۇسىنعانىن جۇرتشىلىق جاقسى بىلەدى. «بايتەرەك» مونۋمەنتى, نازارباەۆ ورتالىعى سىندى كەيبىر ايشىقتى عيمارات­تاردىڭ العاشقى نوبايىن دا مەم­­لە­كەت باسشىسى ءوزى قاعازعا تۇسىرگەن. وسىلايشا ەلباسىنىڭ ءوزى ايالى الاقانىنا سالىپ وسىرگەن بەل با­لا­سى —استانا كوز تارتار كورىكتى, سىر­باز­­ دا­ سىم­بات­تى­ بولىپ ەر جەت­تى. تاۋەلسىزدىگىمىزدىڭ تىرەگىنە, وتا­نىمىزدىڭ جۇرەگىنە اينالدى. كۇنى كەشە بۇل شاھار قانداي ەدى, قازىر قانداي دارەجەگە جەتتى؟ ونىڭ دامۋ ديناميكاسىن سۋرەتتەۋگە ءتىل جەت­پەيدى.

قازىرگى تاڭدا استانا – ناعىز قاي­­ناعان تىرشىلىك الاڭىنا اينالدى. كۇندىز-ءتۇنى دامىل تاپپاي­تىن­ شا­ھار ۇزدىكسىز دامىپ جاتىر. ءسان-سالتاناتى كەلىسكەن نەبىر تاڭعاجايىپ عيماراتتاردى كۇنى كەشە ءوڭىمىز تۇگىل, تۇسىمىزدە كورىپ پە ەدىك؟! قاي جاعىنان دا قارىشتاپ دامىعان ەلوردانى بۇگىندە ءبىر كورۋ ارمان.

قىسقا مەرزىم ىشىندە استانانى اباتتاندىرىپ, ايشىقتى شاھارعا اينالدىرۋ — ەلباسىنىڭ ەرەن ەرلىگى دەپ باعالايدى جۇرتشىلىق. ۇلتتىق يدەيانىڭ تەمىرقازىعى بول­عان استانا بۇگىندە كۇللى الاش­تىڭ ماقتانىشى.

ۇلان-عايىر ەلدىڭ كىندىگىندە مەم­لە­­كەتتىك ماڭىزى بار شەشىمدەر قابىلدانىپ, دامۋدىڭ داڭعىل جو­لى­نا تۇسكەن جاس مەملەكەتىمىزدىڭ تاريحي شەجىرەسى جازىلىپ جاتىر. «تاۋەلسىزدىكتىڭ نەگىزگى ءمانى—تاريحتىڭ جاڭا بەتىن ءوز ەركىڭمەن, ءوز شەشىمىڭمەن باستاۋدا بولسا كەرەك. تاۋەلسىزدىك بىزگە جاڭا جولىمىزدى, ءوزىمىزدىڭ سونى سوقپاعىمىزدى تابۋعا زور مۇمكىندىك ۇسىندى. سول­ جا­ڭا­ جو­لى­مىز­دى­ ءبى­ز­ اس­تا­نا­ ار­قى­لى­ تاپتىق. قازىرگى كەزدە استانا ءبىزدىڭ كەلەشەگىمىزگە قاتىستى ماڭىزدى شەشىمدەر قابىلدايتىن مەملەكەتىمىزدىڭ ساياسي ورتالىعى عانا ەمەس, ۇلتتىق رۋحىمىزدى ۇيىتىپ وتىرعان رۋحاني وردامىزعا دا اينالىپ وتىر. ءبىز عاسىرلار توعىسىندا تاۋەلسىز جاڭا مەملەكەت ورناتىپ, بايتاق ەلىمىزدىڭ ءدال ورتاسىنان باس قالامىز – استانانى سالدىق. بۇگىندە الەمدىك قاۋىمداستىق ءۇشىن قازاقستان مەن استانا اتاۋلارى ەگىز ۇعىمعا اينالىپ كەتتى. بۇل ۇعىم قارىشتاپ دامۋ مەن ءورىستى وركەندەۋدىڭ ونەگەلى ۇلگىسى رەتىندە ورنىقتى» دەيدى ەلباسى.

قازاقستاندىقتار ەلباسىنا قالاي سەنسە, ەلوردانىڭ كەلەشەگىنە دە سولاي سەنەدى. ەلدىڭ ءۇمىتى – ەلوردادا. باس شاھاردىڭ ءار جەتىستىگىنە ەلى ءسۇيىنىپ, ەرەكشە ىقىلاس تانىتىپ وتىر. كۇنى كەشە پاريجدەن قازاق ەلىنە ءسۇيىنشىلى حابار جەتكەنى ءمالىم. استانا «ەحرو — 2017» حالىقارالىق كورمەسىن وتكىزۋگە لايىق قالا رەتىندە تانىلدى. قازاقتىڭ استاناسىن قولداپ, 103 مەملەكەت داۋىس بەرگەن. مۇنىڭ ءوزى ەلوردانىڭ الەم الدىنداعى بەدەلىن كورسەتسە كەرەك. تمد مەملەكەتتەرىنەن ەشكىمگە مۇنداي باقىت بۇيىرماعان. ەندى استانامىزدىڭ بەدەلى تىپتەن اسقاقتاپ, اجارى ايشىقتالا تۇسەتىن بولدى. بۇل تۋرالى ەلباسىنىڭ ءوزى دە ايتتى: «ەحرو 2017» كورمەسىنە بەس ميلليونعا جۋىق ادام كەلەتىن بولادى. استانادا جاڭا ورتالىق, جاڭا برەند بولادى, ادەمى قۇرىلىستار سالىنادى. ەندى 2017 جىلعا دەيىن كوپ شارۋا اتقارۋىمىز كەرەك. مەنىڭ ويىمشا, ءبىز بۇل شارۋانى دا ەڭسەرىپ, ءتيىستى شارانىڭ ءبارىن جاسايتىن بولامىز».

ارينە, ايقىن ماقسات ورىندالۋى ءۇشىن ءار وتانداسىمىز ۇلەس قوسۋى كەرەك. ەلباسى سياقتى, استانا ومىرىندەگى كەز كەلگەن جەتىستىك پەن قولعا الىنعان ىسكە جاناشىرلىق تانىتىپ بەلسەنە ارالاسۋى كەرەك. نۇرسۇلتان ءابىشۇلى ەل استاناسىنىڭ قاي جاعىنان دا وزگە وڭىرلەرگە ۇلگى بولۋ كەرەكتىگىن, ەلوردانىڭ ءبىتىم-بولمىسى ادامداردىڭ جۇرەگىنە ماقتانىش سەزىمىن ۇيالاتاتىنداي بولۋ قاجەتتىگىن ءجيى ەسكە سالادى. الەمدىڭ دەڭگەيدەگى بەدەلدى جيىنداردىڭ الاڭىنا اينالعان استانا ءۇشىن بۇل ەرەكشە ماڭىزدى ماسەلە.

ەندەشە, ەلباسىنىڭ ءوزى سالىپ بەرگەن ەلوردانىڭ ەڭسەسى بۇدان دا بيىكتەپ, الەم الدىنداعى مەرەيى اسقاقتاي بەرسىن!

قىمبات توقتامۇرات

 

 

تاعىدا

admin

«استانا اقشامى» گازەتى

ۇقساس جاڭالىقتار

پىكىر ۇستەۋ

Back to top button