«قازاق ەلى» مونۋمەنتىنىڭ الدىنداعى الاڭدا «ارقايىم – كۇننىڭ قالاسى» 3D ينتەراكتيۆتى ويىن-ساۋىق قالاشىعى اشىلدى. جەر بەتىندەگى ەڭ كونە قالالاردىڭ ءبىرىن بۇگىنگى كۇنمەن بايلانىستىرۋ يدەياسىن رينات كۋدۋسوۆ ەسىمدى جاس – ءىت تەحنولوگيا مامانى جۇزەگە اسىرىپ وتىر. ول بۇل جوبامەن ءبىر جىلعا جۋىق ۋاقىت جۇمىس ىستەگەن.
بۇل قالاشىقتىڭ كەرەمەتى – ىشىنە كىرگەندەر قازىرگى زامانعى تەحنولوگيالاردىڭ كومەگىمەن وتكەنىمىزدەگى جانە بولاشاقتاعى اتموسفەرانى سەزىنە الادى. سول ءۇشىن مۋلتيمەديالىق گالەرەيا جاسالىپ, ارنايى قۇرىلعىلار ورناتىلعان. قالاشىقتىڭ ءوزى ءتورت ايماقتان تۇرادى. ءبىرىنشى ايماقتا «ۇلى دالا جەتىستىكتەرى» مۋلتيمەديالىق گالەرەياسى ورنالاسقان, وندا تاس داۋىرىنەن حVII-XIX عاسىرعا دەيىنگى دامۋ ەۆوليۋتسياسى كورسەتىلگەن. اتا-بابالارىمىز قولدان جاساعان كۇندەلىكتى تۇرمىستاعى زاتتار, زەرگەرلىك بۇيىمدار, اشەكەيلەردى دە وسىننان كورۋگە بولادى.
جۇزدەگەن جىل بۇرىن شىعىس قازاقستاندا تابىلعان العاشقى «اق باۋىر» وبسەرۆاتورياسىمەن «اشىق عارىشقا ساياحات. استانا» پروەكتسيالىق تەاترىندا ۇسىنىلعان. بۇل ايماقتا ەلوردانىڭ ورتالىعىنان عارىشقا ساپار شەگىپ, نەگىزگى ءىرى پلانەتالاردىڭ جانىنان ۇشىپ, ولار تۋرالى اقپارات الۋعا بولادى. ساياحات «جۇلدىزدار سوعىسى» ستيلىندەگى بي جارىسىمەن اياقتالادى.
فەستيۆال ەرەكشەلىكتەرىنىڭ ءبىرى – ايشا ءبيبى مەن قاراحان باتىردىڭ تراگەديالىق وقيعاسى جايلى سىر شەرتەتىن گولوگرافيالىق تەاتر. مۇندا تاريحي وقيعانىڭ تەرەڭىنە بويلاۋعا مۇمكىندىكتەر جاسالعان. ءتورتىنشى ايماق – جاڭاشا ارلەنگەن ەتنيكالىق مۋزىكا ۇسىنىلاتىن «Welcome to Astana city!» كونتسەرتتىك ويىن-ساۋىق الاڭى. سونىمەن قاتار, تاقىرىپتىق ينتەراكتيۆتى ايماقتار دا كەلۋشىلەردى جالىقتىرماسى انىق.
انيماتورلاردىڭ ەتنو-فۋتۋريستىك كوستيۋمدەرى مەن وسى ستيلدەگى ادەتتەن تىس كادەسىيلار قالاشىقتا ايرىقشا اتموسفەرا قالىپتاستىرادى. بۇل كونتسەرتتىك باعدارلامانى كەلۋشىلەر كەشكى ساعات 19.00-دە كورە الادى.
3D-قالاشىققا كىرۋ تەگىن, ول شىلدەنىڭ 6 كۇنى كەشكى ساعات 21.00-گە دەيىن جالعاسادى.
مەڭدوللا نۇرىمۇلى
