Sportجاڭالىقتار

ارقانىڭ توسىندەگى «التىن تۇلپار»

بايگا التىن تۋلپار 23

جەكسەنبى كۇنى استانا قالاسى ماڭىنداعى قابانباي باتىر اۋىلى ماڭىندا «نۇر وتان» پارتياسىنىڭ قولداۋىمەن پارتيانىڭ 15 جىلدىعى اياسىندا الامان بايگەدەن «التىن تۇلپار» رەسپۋبليكالىق ءتۋرنيرى ءوتتى. تۋرنيرگە استانا مەن الماتى قالالارى جانە رەسپۋبليكامىزداعى 14 وبلىستىڭ بايگە اتتارى باسەكەگە ءتۇستى.

«نۇر وتان» پارتياسى ۇلتتىق سپورت ويىندارىنا قاتىستى باستامالارعا كومەكتەسۋگە ءاردايىم دايىن ەكەنىن دالەلدەپ كەلەدى. بۇل شارا دا ساياسي دوكتريناداعى ۇلتتىق قۇندىلىقتاردى ىسكە اسىرۋعا باعىتتالعان «كوكپار», «اۋدارىسپاق», «اسىق اتۋ», «قازاقستان بارىسى» سىندى پارتيا قولداۋىمەن وتكىزىلگەن ۇلتتىق سايىستاردىڭ زاڭدى جالعاسى.

ايتا كەتەرلىگى, اتالمىش الاماننىڭ ادەتتەگى بايگەلەردەن وزگەشەلىگى – اۋىزدىعىمەن الىسقان جۇيرىكتەر شەڭبەر اينالىپ شاپپاي, جازىققا ءتۇسىپ 43 شاقىرىمدىق قاشىقتىققا كەڭ كوسىلدى.

جۇلدە قورى اسا قوماقتى تۋرنيرگە رەسپۋبليكامىزدىڭ ءار وڭىرىنەن الپىسقا تارتا تۇلپار قاتىستى. باس جۇلدە جانە 10 ملن تەڭگە اقشالاي سىيلىقتى قاراعاندى وبلىسىنىڭ شاباندوزى امانگەلدى دۋمان جەڭىپ الدى. ال, ەكىنشى ورىن (7,5 ملن تەڭگە) شىمكەنتتىك سۇلەيمەن قۇلوۆقا بۇيىرسا, ءۇشىنشى ورىن (5 ملن تەڭگە) تاعى  ءبىر قاراعاندىلىق ەركەبۇلان ەرماعانبەتوۆكە بەرىلدى. بۇدان بولەك, جۇلدەلەردىڭ ءبىر پاراسى مارە سىزىعىن كەس­كەن العاشقى 9 تۇلپارعا دا بۇيىردى. وسى شارانىڭ اياسىندا «ات سىنشىسى» بايقاۋى ۇيىمداستىرىلىپ, اتا ءداستۇرىن جالعاپ, شىن جۇيرىكتى جازباي تانىعان سىنشىعا «تولىباي سىنشى», «كۇرەڭباي سىنشى», «كەيحاۋىس سىنشى» اتىنداعى ارنايى جۇلدەلەر تاعايىندالدى. سونداي-اق, ۇلتتىق جادىگەرلەر كورمەسى ۇيىمداستىرىلىپ, ات تاعالاۋشى شەبەرلەردىڭ جارىسى دا ءوتتى.

تاعىدا

admin

«استانا اقشامى» گازەتى

ۇقساس جاڭالىقتار

پىكىر ۇستەۋ

Back to top button