الەۋمەت
«اسار» الەۋمەتتىك اكتسياسى
استانادا قازاقستان حالقى اسسامبلەياسىنىڭ قالالىق حاتشىلىعىنىڭ باستاماسىمەن ءبىلىم باسقارماسى مەن ەلوردا اكىمدىگى جانىنداعى «قوعامدىق كەلىسىم» مەكەمەسى بىرلەسە وتىرىپ, بالالار ءۇيىن قولداپ, قارجىلىق دەمەۋگە باعىتتالعان «اسار» الەۋمەتتىك اكتسياسىن وتكىزدى.
اتالعان يگى شارا جەتىم بالالارعا قايىرىمدىلىق كومەك كورسەتۋ, قازاقستانداعى قاراۋسىز قالعان بالالاردىڭ تاعدىرىنا قوعام نازارىن اۋدارۋ ماقساتىن كوزدەيدى.
اكتسيا اياسىندا استانا قالاسىنىڭ «الەف» ەۆرەي ءمادەني ورتالىعى, «لاد» سلاۆيان قوزعالىسى سەكىلدى ەتنومادەني بىرلەستىكتەر مەن تۇرىك جانە ءتۇركىمەن مادەني ورتالىقتارى, قۇقىق قورعاۋ ورگاندارى جانە ۇلتتىق قاۋىپسىزدىك قىزمەتى مەن ءبىلىم سالاسىنىڭ وكىلدەرى بالالار ءۇيىنىڭ تاربيلەنۋشىلەرىمەن كەزدەستى. قوناقتار بالالاردىڭ شىعارماشىلىق شەبەرحانالارىندا بولىپ, ولاردىڭ ونەرىن تاماشالادى.
كەلگەن مەيماندارعا تاربيەلەنۋشىلەر وزدەرى جاساعان مۋزىكالىق بۇيىمداردى سىيعا تارتتى.
جاقسى ساتۇلى