ەلوردانىڭ ورتالىق پاركىندە قالانىڭ ۇزدىك نۇسقاۋشىلارىنىڭ جەتەكشىلىگىمەن اشىق اسپان استىندا وتكىزىلەتىن سپورت جاتتىعۋلارى جالعاسىن تابادى. اكىمدىك ءار جەكسەنبى سايىن تاڭعى ساعات 10-نان 12-گە دەيىن Astana Fitness Park بۇقارالىق سپورت جاتتىعۋلارىن وتكىزەدى. اپتا سايىنعى سپورتتىق شاراعا نيەت بىلدىرگەندەردىڭ بارلىعى قاتىسا الادى.
جەسكەنبى كۇنى تاڭەرتەڭ سپورت شۇعىلدانىپ, بەلسەندى ءومىر سالتىن ۇستاناتىندار ورتالىق پاركتە جينالادى. ساباقتار دەنەنى شيراتىپ شىنىقتىراتىن جالپى جاتتىعۋلاردان باستالادى. جينالعاندار كارديونۇسقاۋشىمەن بىرگە ىرعاقتى اۋەننىڭ سۇيەمەلدەۋىمەن ءىس-قيمىلدار جاسايدى. بۇل ەرەسەكتەرگە دە, بالالارعا دا بىردەي قىزىق.
