جاڭالىقتار

اسكەري ىنتىماقتاستىق ءۇشىن

مين وبورونى

بۇگىن قازاقستان رەسپۋبليكاسىنىڭ قورعانىس ءمينيسترى يمانعالي تاسماعامبەتوۆ ماسكەۋدە تاۋەلسىز مەملەكەتتەر دوستاستىعى قورعانىس مينيسترلەرى كەڭەسىنىڭ وتىرىسى اياسىندا بىرقاتار ەكىجاقتى كەزدەسۋلەر وتكىزدى.

ازەربايجان قورعانىس ءمينيسترى زاكير گاسانوۆپەن وتكەن كەزدەسۋدە ەكى ەل قورعانىس ۆەدومستۆوسى اراسىنداعى ءوزارا ءتيىمدى ىنتىماقتاستىقتىڭ بارلىق ءجاي-جاپسارى  تالقىلاندى.

ەكى جاقتى بارىس-كەلىستەر, ارنايى وپەراتسيالىق كۇشتەردىڭ, اسكەري-تەڭىز كۇشتەرى مەن قۇرلىق اسكەرلەرى بولىمشەلەرىنىڭ بىرلەسكەن وقۋ-جاتتىعۋلارى ايماقتاعى جانە الەمدەگى تۇراقتىلىق پەن قاۋىپسىزدىكتى نىعايتۋعا سەبەپ بولاتىنى اتاپ ءوتىلدى. كەزدەسۋدە 2015 جىلعى ەكى جاقتى ىنتىماقتاستىق جوسپارى بەكىتىلدى.

قىرعىزستان قورعانىس ءمينيسترى ابيبوللا قۇدايبەرديەۆپەن بولعان كەزدەسۋ بارىسىندا تاۋەلسىز مەملەكەتتەر دوستاستىعى, ۇجىمدىق قاۋىپسىزدىك تۋرالى شارت ۇيىمى, شاڭحاي ىنتىماقتاستىق ۇيىمى اۋقىمىنداعى بايلانىستاردى جەتىلدىرە ءتۇسۋدىڭ قاجەتتىلىگى اتاپ ءوتىلدى.

تاراپتار «بىرلەسكەن وقۋ-جاتتىعۋلار وتكىزۋ, جاۋىنگەرلىك دايارلىقتى جەتىلدىرۋ, سونداي-اق, زاڭسىز قارۋلى قۇرىلىممەن كۇرەس ادىستەرىن جۇرگىزۋ تۇرعىسىندا تاجىريبە الماسۋ باۋىرلاس ەكى ەل قارۋلى كۇشتەرىنىڭ جەدەل ۇيلەسىمدىلىگىن  ارتتىرادى» دەگەن  پىكىر  بىلدىردى.

سونداي-اق, سول كۇنى قازاقستان قورعانىس ءمينيسترى ارمەنيا جانە تاجىكستان قورعانىس مينيسترلەرى سەيران وگانيانمەن جانە شەرالي ميرزومەن كەزدەستى.

 

ج.ساتۇلى

تاعىدا

ۇقساس جاڭالىقتار

پىكىر ۇستەۋ

Back to top button