Sport

«استانا» ايلاسىن اسىردى

فۋتبولدان قازاقستان چەمپيوناتىنىڭ پرەمەر-ليگاسىندا كەزەكتى تۋردىڭ ويىندارى ءوتتى.

اقتوبەگە قوناققا بارعان «استانا» وتە تارتىستى وتكەن ويىندا ءۇش ۇپايدى ەنشىلەپ قايتتى. ەلىمىزدىڭ ءتورت دۇركىن چەمپيونى بولعان «اقتوبە» ءۇشىن سوڭعى ەكى جىلدا قاتارىنان ەل بىرىنشىلىگىن ۇتقان «استانا» نەگىزگى قارسىلاستىڭ ءبىرى ەكەنى ءسوزسىز ەدى. سوندىقتان دا بۇل ويىن تۋردىڭ باستى ماتچى بولىپ سانالدى.

ەكى كوماندا دا قورعانىسقا اسا ءمان بەرىپ وينادى. ءبىرىنشى تايمدا ەسەپتىڭ اشىلماۋى, قاۋىپتى ساتتەردىڭ از بولۋى سول اسىرە ساقتىقتىڭ ناتيجەسى بولسا كەرەك. الايدا, «استانا» كومانداسى ۇيىمداستىرعان ءبىر شابۋىل جەمىسىن بەرمەي قويمادى. ويىننىڭ 83-ءشى مينۋتىندا استانالىق قورعاۋشى ەۆگەني پوستنيكوۆ «اقتوبە» قاقپاسىنا قاراي الىستان پاس شىعاردى. اۋەلەپ جەتكەن دوپقا ءبىرىنشى بولىپ جەتكەن نەمانيا ماكسيموۆيچ الا دوپتى كوپ ويلانباستان قاقپاعا قاراي باعىتتادى. سوققىسى قاتتى جارتىلاي قورعاۋشىنىڭ بۇل ۇرىسىنا الاڭ يەلەرىنىڭ قاقپاشىسى توسقاۋىل بولا المادى. وسىلايشا ەسەپ اشىلىپ, «استانا» العا شىقتى. قالعان بەس مينۋتتا اقتوبەلىكتەر ەسەپتى تەڭەستىرۋ ءۇشىن قانشا تىرىسقانىمەن ەش ناتيجە كورسەتە المادى. ويىن اياقتالعاندا تابلوداعى 0:1 ەسەبى وزگەرىسسىز قالدى. ءسويتىپ, «استانا» سىرت الاڭدا وتە تاجىريبەلى كوماندانىڭ بىرىنەن ايلاسىن اسىرىپ, ءۇش ۇپايدى ەنشىلەپ قايتتى.

تۋردىڭ باسقا ويىندارىندا مىنانداي ناتيجەلەر تىركەلدى: «شاحتەر» – «توبىل» 1:0, «قايرات» – «اقجايىق» 3:2, «وقجەتپەس» – «تاراز» 0:0, «ورداباسى» – «جەتىسۋ» 0:1, «اتىراۋ» – «ەرتىس» 0:1.

«استانا» كەلەسى ويىندى 2 ماۋسىم كۇنى تارازدا وتكىزەدى.

                                                                            عالىم قوجابەكوۆ

تاعىدا

عالىم قوجابەكوۆ

«استانا اقشامى» گازەتى باس رەداكتورىنىڭ ورىنباسارى

ۇقساس جاڭالىقتار

پىكىر ۇستەۋ

Back to top button