باستى اقپارات
استانا اكىمى موناكو كنيازىمەن اڭگىمەلەستى
وتكەن سەنبىدە استانا قالاسىنىڭ اكىمى يمانعالي تاسماعامبەتوۆ قازاقستانعا رەسمي ساپارمەن كەلگەن موناكو كنيازى II البەرمەن كەزدەستى.
بۇل موناكو كنيازىنىڭ ەكى ەل اراسىنداعى ديپلوماتيالىق قارىم-قاتىناستىڭ ورناعان ساتىنەن بەرگى العاشقى قادامى. ساپاردىڭ ماقساتى – جوعارى دارەجەدە بايلانىس ورناتىپ, كەلەشەك ەكى جاقتى قارىم-قاتىناستارعا جول اشۋ. اتاپ ايتقاندا, موناكومەن اراداعى ەكونوميكالىق ىنتىماقتاستىقتىڭ دامۋىنا ىقپال ەتۋدىڭ ماڭىزى ۇلكەن. قازاقستان جاعى موناكو كاپيتالى مەن مەملەكەتتىك ۇدەمەلى يندۋستريالدى – يننوۆاتسيالىق دامۋ باعدارلاماسى اياسىندا باسىم جوبالاردى جۇزەگە اسىرۋ تەحنولوگياسىن تارتۋعا مۇددەلى بولىپ وتىر.