الەۋمەت

استانا الەمدىك فلەشموبقا قاتىسادى

2 ءساۋىر – بۇكىل­الەمدىك اۋتيزم جاي­لى اقپارات تاراتۋ كۇنىنە وراي جىل سايىن الەمنىڭ ءار تۇكپىرىندە «Light It Up Blue» فلەشموبى ۇيىمداستىرىلادى. اتالعان شاراعا اس­تانا بيىل العاش رەت قوسىلماق. 

بۇل كۇنى ەلورداداعى باس­تى كورىكتى جەرلەر – «ءباي­تەرەك» مونۋمەنتى مەن «حان شاتىر» ساۋدا-ويىن-ساۋىق ورتالىعىنىڭ سىرتقى جا­رىق­تاندىرىلۋى كوك تۇسكە بويالادى. سونىمەن قاتار, اۋتيزمگە شالدىققان بالا­لاردىڭ, سپورتتىق جانە شى­عار­ماشىلىق ۇجىم­دار­دىڭ قاتىسۋىمەن اكتسيا وتەدى.

بۇل شارالاردى وتكىزۋ تۋرالى باستامانى «سەنىم» پسيحولوگيالىق-پەدا­گو­گي­كالىق تۇزەۋ ورتالىعى كو­تەرىپ وتىر. سونداي-اق, اك­تسياعا استانا قالاسىنىڭ اكىم­دىگى, اۋتيزمگە شالدىققان بالالاردىڭ اتا-انالارى مەن ەرىكتىلەر قولداۋ كورسەتۋدە.

– ءبىزدىڭ باستى ماقسا­تى­مىز – قوعام نازارىن اۋتيزم پروبلەماسىنا اۋدارۋ, وسىنداي بالالار مەن ولاردىڭ اتا-انالارىنا قۇرمەتپەن قاراۋدى قالىپتاستىرۋ. حالىق اۋتيزم تۋرالى مۇلدەم حابارسىز, ادامدار ونىڭ اۋرۋ ەمەستىگىن, ونى تۇزەۋگە بولاتىنىن بىلمەيدى. مۇنداي بالالار كەز كەلگەن سالادا جەتىستىككە جەتە الادى, ءوز ەلىنىڭ يگىلىگى ءۇشىن ەڭبەك ەتەدى. ءبىز وسى جانداردىڭ ەرەكشە الەمىن كورسەتپەكپىز, – دەيدى ۇيىم­داستىرۋشىلاردىڭ ءبىرى گۇلفيا اليەۆا.

اكتسيا «قازاقستان» سپورت سارايىندا 2 ءساۋىر كۇنى ساعات 11.00-دە باستالادى. وعان قالاداعى بارلىق ورتا­لىق­تاردان اۋتيست بالا­لار قا­تىسادى. جاس حوككەيشىلەر مۇز ايدىنىندا كەرەمەت فلەشموب ورىندايدى.

ايتا كەتەيىك, ءاۋتيزمنىڭ رەسمي ءتۇسى – كوك. سون­دىقتان وسى كۇنى اكتسيانى ۇيىمداستىرۋشىلار نيەت بىلدىرگەن جاندارعا كوك ءتۇستى اكۆاگريم جاسايدى, كوك گۇلدەر, ءتىپتى, كوك ءتۇستى ءتاتتى-دامدىلەر تاراتادى.

بوتاگوز ماراتقىزى

تاعىدا

ۇقساس جاڭالىقتار

پىكىر ۇستەۋ

Back to top button