باقىلاۋ كورسەتكەنىندەي, اۋە كولىگىندە كورسەتىلەتىن قىزمەتتىڭ تۇرلەرى مەن ساپاسىنا جولاۋشىلاردىڭ قوياتىن تالاپتارى ءار ساپار سايىن ارتا تۇسۋدە.
سوندىقتان, بولاشاقتا اۆيايندۋستريادا «ءوز بەتىنشە ساياحاتتايتىنداردىڭ» ۇسىنىس-تىلەكتەرى قانداي بولاتىنىن قازىردەن باستاپ ويلانۋ كەرەك سياقتى. تاجىريبە جۇزىندە اۋە كومپانيالارى مەن اۋەجايلار جولاۋشىلارعا قىزمەت كورسەتۋدە قانداي وزگەرىستەر ەنگىزە الادى؟ اۋە تاسىمالىنىڭ جاڭا ءداۋىرى جاقىنداعان سايىن جەدەل ءارى لايىقتى قىزمەت كورسەتۋمەن بىرگە اۆياتسيالىق بيزنەستىڭ تيىمدىلىگىن ارتتىرۋ مىندەتىنىڭ دە وزەكتىلىگى ارتا تۇسۋدە.
امستەردامدا وتكەن «ICT Forum 2014» ەۋروپالىق اۆياتسيالىق كونفەرەنتسيادا رەسەي مەن تمد-داعى «SITA» كومپانياسىنىڭ ۆيتسە-پرەزيدەنتى دميتري كراسنوۆ قازاقستاندىق اۋە تاسىمالداۋشىلار مەن اۋەجايلاردىڭ ءىت-تەحنولوگيالاردى ەنگىزۋگە مۇددەلى ەكەندىگىن جەتكىزدى.
ۆيتسە-پرەزيدەنتتىڭ ايتۋىنشا, بارلىق ءىرى اۋەجايلار ءوزىن-ءوزى تىركەۋ دۇڭگىرشەكتەرىن ورناتۋعا مۇددەلى كورىنەدى. بۇل الماتى مەن استانا جولاۋشىلارىنا رەيستەرگە ءوز بەتىنشە تىركەلۋگە, ۇشاقتا ورىن تاڭداۋعا جانە وتىرۋ تالونىن باسىپ شىعارۋعا مۇمكىندىك بەرەدى.
استانا قالاسىنىڭ حالىقارالىق اۋەجايى ماۋسىمدىق كەستەنى ازىرلەۋ بارىسىندا «SITA-نىڭ» وپەراتسيالىق قىزمەتتى جوسپارلاۋ جونىندەگى شەشىمىن قولدانا باستادى. بۇل اۋەجايدا جاڭا بۋىن تەحنولوگيالارىن ورناتۋدىڭ العاشقى قادامى بولىپ تابىلادى.
