استانانىڭ ەنەرگەتيكالىق كەشەنى 2014-2015 جىلعى جىلىتۋ ماۋسىمىنا تولىق دايىن. بۇگىنگى تاڭدا الەۋمەتتىك نىساندار مەن كوپ پاتەرلى تۇرعىن ءۇي قورىنا جىلۋ بەرىلدى.
استانا قالاسى اكىمى اپپاراتى ءباسپاسوز قىزمەتىنىڭ مالىمەتىنشە, جاڭا جىلىتۋ ماۋسىمىنا دايىندىق شارالارى اياسىندا 1-جەو, 2-جەو نىساندارى, جىلۋ جانە ەلەكتر جەلىلەرى, سۋمەن قامتۋ جانە سۋ بۇرۋ جەلىلەرىندە بەكىتىلگەن كەستە بويىنشا ءتيىستى جۇمىستار جۇرگىزىلدى.
قالانىڭ ەنەرگيامەن قامتۋ نىساندارى وتىن قورىنىڭ ءتيىستى نورمالارىنا سايكەس (690 641 توننا كومىر مەن 10 623 توننا مازۋت) وتىن ماتەريالدارىمەن تولىق كولەمدە قامتاماسىز ەتىلدى. تۇرعىن ۇيلەردى, ءبىلىم بەرۋ جانە دەنساۋلىق ساقتاۋ نىساندارىن اۆتونومدى جىلۋمەن قامتۋ قازاندىقتارى 100% ىسكە قوسىلدى.
جىلۋ ەنەرگياسىمەن جابدىقتاۋدىڭ ورتاشا ءتاريفى – 2308,3 تەڭگە/گكال (ققس-سىز), سونىڭ ىشىندە تۇتىنۋشىلار توپتارى بويىنشا: تۇرعىندار ءۇشىن – 2094,23 تەڭگە/گكال (ققس-سىز); باسقا تۇتىنۋشىلار ءۇشىن 2582,40 تەڭگە/گكال (ققس-سىز).
استانادا جىل سايىن قىستا ورتا ەسەپپەن 30 مىڭ ۆاگون كومىر مەن 280 تسيستەرنا مازۋت جاعىلادى. كومىردىڭ ەڭ كوپ شىعىنى قىستا تاۋلىگىنە 12 476 توننانى قۇرايدى.
جۇما عازيەۆ
