جاڭالىقتارقالا تىرشىلىگى

استانا بيۋدجەت دونورىنا اينالادى

14

استانادا اعىمداعى جىلى جالپى وڭىرلىك ءونىم 5,9%-عا ۇلعايدى. ەلوردانىڭ 2015-17 جىلدارعا ارنالعان بيۋدجەت جوباسىندا نەگىزگى مەملەكەتتىك باعدارلامالاردى جۇزەگە اسىرۋعا قارجى قاراستىرىلعان, سونىمەن قاتار, 2015 جىلدان باستاپ استانا رەسپۋبليكالىق بيۋدجەت دونورلارىنىڭ ءبىرى بولادى.

جاقىندا قۇرىلىس, ەكولوگيا, كولىك, ساۋدا جانە تۇرعىن ءۇي-كوممۋنالدىق شارۋاشىلىق ماسە­لەلەرى جونىندەگى قالالىق ءماس­لي­حاتتىڭ تۇراقتى كوميسسياسى جە­كە­لەگەن اكىمشىلىك بيۋدجەتتىك باع­دارلامالاردىڭ 2015-2017 جىل­دارعا ارنالعان بيۋدجەت جوباسىن تالقىلادى.

قالالىق ءماسليحاتتىڭ ءباسپاسوز قىزمەتىنىڭ مالىمدەۋىنشە, جالپى, جاڭا ءۇش جىلدىق بيۋدجەتتى قالىپتاستىرۋ بارىسىندا ەسكە­رىل­گەن ينديكاتورلار ەلىمىزدى دا­مىتۋ ستراتەگياسىن جۇزەگە اسى­رۋمەن تىعىز بايلانىستى. وسىن­داي بازالىق باعدارلامالار قاتا­رىنا  ۇدەمەلى يندۋستريالىق-يننوۆاتسيالىق, «تۇرعىن ءۇي شا­رۋا­شىلىعى كەشەنىن مودەرنيزاتسيالاۋ جانە دامىتۋ» جانە «بيزنەستىڭ جول كارتاسى – 2020» باعدارلامالارىن قوسۋعا بولادى.

استانا قالاسىنىڭ الەۋمەتتىك-ەكونوميكالىق دامۋىن بولجاۋ نەگىزىندە بيۋدجەت تۇسىمدەرىن بول­جامداۋ ادىستەمەسىنە سايكەس 2015-17 جىلدارى جەرگىلىكتى بيۋدجەت كىرىسىنە بولجاۋ جاسالدى. جەرگىلىكتى بيۋدجەت كىرىسىنىڭ 90%-ىن سالىق تۇسىمدەرى قۇرايدى.

ەلوردانىڭ الەۋمەتتىك-ەكونو­ميكالىق دامۋىن بولجاۋ اياسىندا جالپى وڭىرلىك ءونىم كو­لەمى ۇلعايىپ, بولشەك ساۋدا اي­نا­لىمىنىڭ جانە ونەركاسىپتىك ءونىم كولەمى ارتادى دەپ كۇتىلۋدە. 2015 جىلدان باستاپ استانا رەسپۋبليكالىق بيۋدجەت دونور­لارىنىڭ ءبىرى بولادى. كوميسسيا وتىرىسىندا بيۋدجەتتىك باعدارلامالار اكىمشىلەرىنىڭ – ەنەرگەتيكا جانە كوممۋنالدىق شارۋاشىلىق باسقارماسى, جولاۋشىلار كولىگى جانە اۆتوموبيل جولدارى باسقارماسى, قۇرىلىس باسقارماسىنىڭ نەگىزگى كورسەتكىشتەرى قارالدى.

 ساعي ورال

تاعىدا

ۇقساس جاڭالىقتار

پىكىر ۇستەۋ

Back to top button