2015 جىل – قازاقستان حالقى اسسامبلەياسى جىلى رەتىندە جاريالاندى. كەلەر جىلى اسسامبلەيانىڭ قۇرىلعانىنا تۋرا جيىرما جىل تولادى. وسىعان بايلانىستى ەلوردا كۇنىن «استانا – بەيبىتشىلىك پەن كەلىسىم قالاسى» ۇرانىمەن وتكىزۋ جوسپارلانۋدا.
– ءداستۇرلى شارالارمەن قاتار بىرقاتار وزگە شارالاردى وتكىزۋدى دە كوزدەپ وتىرمىز. اتاپ ايتقاندا, وسى جىلى «مەن قازاقستاندىقپىن» جاستار فورۋمى مەن جالپى قالالىق ۇلتتىق ويىندار فورۋمى دا وتپەك, – دەدى استانا قالاسى قازاقستان حالقى اسسامبلەياسى حاتشىلىعىنىڭ مەڭگەرۋشىسى ل.قۇسايىنوۆا.
ول ءۇشىن قالالىق قازاقستان حالقى اسسامبلەياسى مەرەيلى مەرەكەگە جۇرتشىلىقتى مولىنان تارتىپ, مەملەكەتتىك ورگاندار مەن ءىرى ۇجىمدىق وندىرىستىك كاسىپورىندار اراسىندا شىعارماشىلىق فەستيۆال ۇيىمداستىرادى.
ايتۋ كەرەك, قحا ەلىمىزدىڭ حالىقارالىق بەدەلىن ءوسىرىپ, قازاقستاندى ۇلتارالىق داۋلاردى كەلىسىممەن شەشەتىن مەملەكەت رەتىندە الەمگە تانىتا ءبىلدى. سوندىقتان, اسسامبلەيانىڭ ۇلتارالىق تاتۋلىقتى, بەيبىتشىلىك پەن كەلىسىمدى ساقتاۋعا قوسقان ۇلەسى وتە جوعارى باعالانادى. قازىرگى تاڭدا ونىڭ قۇرامىندا ءۇش ءجۇز ەلۋ ادام بار.
جۇما عازيەۆ
