كەشە مەملەكەت باسشىسى نۇرسۇلتان نازارباەۆ ەلىمىزگە مەملەكەتتىك ساپارمەن كەلگەن ۆەتنام سوتسياليستىك رەسپۋبليكاسىنىڭ پرەزيدەنتى چىونگ تان شانگپەن كەزدەستى.
كەزدەسۋ بارىسىندا تاراپتار ساياسي ءوزارا ءىس-قيمىل ماسەلەسىن, ساۋدا-ەكونوميكالىق, يندۋستريالىق-يننوۆاتسيالىق, ينۆەستيتسيالىق جانە مادەني-گۋمانيتارلىق سالالارداعى بايلانىستاردى جانداندىرۋدى تالقىلادى.
ەكى ەل اراسىنداعى ساۋدا-ساتتىق بيىل 100 ملن اقش دوللارىنا جۋىقتاپتى.
وتكەن جىلى ەكىجاقتى تاۋار اينالىمى 59 ملن اقش دوللارىن قۇراعان. ۆەتنام باسشىسىنىڭ قازاقستانعا تۇڭعىش ساپارىنا ريزاشىلىعىن بىلدىرگەن ەلباسى: «مەنىڭ وتكەن جىلعى ۆەتنامعا جاساعان ساپارىممەن, بيىلعى بۇل كىسىنىڭ كەلىپ وتىرعان ساپارىنىڭ ارقاسىندا, ەكى ەلدىڭ اراسىنداعى قارىم-قاتىناس بۇرىن بولماعان جاڭا دارەجەگە كوتەرىلىپ وتىر» دەپ اتاپ ءوتتى.
ءوز كەزەگىندە ۆەتنام باسشىسى قازاقستاننىڭ ايماقتاعى جانە حالىقارالىق ساحناداعى ءرولى مەن قىزمەتىن جوعارى باعالايتىنىن جەتكىزدى.
قازاقستان مەن ۆەتنام پرەزيدەنتتەرىنىڭ كەڭەيتىلگەن قۇرامداعى كەزدەسۋىنەن كەيىن بىرقاتار قۇجاتتار قابىلداندى.
اتاپ ايتقاندا, كارانتين جانە وسىمدىكتى قورعاۋ سالاسىنداعى ىنتىماقتاستىق تۋرالى, اۋە قاتىناسىن اشۋ تۋرالى ەكىجاقتى ۇكىمەتارالىق قۇجاتتارعا, استانا مەن حانوي قالالارى اراسىنداعى باۋىرلاستىق قاتىناستاردى ورناتۋ تۋرالى جانە قازاقستان ۇلتتىق بانكى مەن ۆەتنام مەملەكەتتىك بانكى اراسىنداعى ءوزارا تۇسىنىستىك جونىندەگى مەموراندۋمدارعا قول قويىلدى.
كەلەر جىلى قازاقستاننىڭ ۆەتنامداعى مادەني كۇندەرىن وتكىزۋ جوسپارلاندى.
كەزدەسۋ سوڭى استانادا ۆەتنام سوتسياليستىك رەسپۋبليكاسىنىڭ مادەنيەت كۇندەرىنىڭ اشىلۋ سالتاناتىمەن جالعاستى.
