جاڭالىقتار

استانا مەن نيتستسا – باۋىرلاس قالالار

كەشە استانا­ قالاسىنىڭ اكىمى يمانعالي تاسماعامبەتوۆ جانە فرانتسيانىڭ نيتستسا مەرىنىڭ ءبىرىنشى ورىنباسارى بەنۋا كاندەل قوس شاھار اراسىندا ىنتىماقتاستىقتى, ىسكەرلىك بايلانىس­تار­دى قالىپتاستىرۋ جونىندەگى دوستاستىق اكتىسىنە قول قويدى.

قۇجات استانا مەن جاقۇت جاعالاۋى سانالاتىن نيتستسا قالالا­رى­نىڭ اراسىندا ءوزارا تۇسىنىستىك پەن تەڭ دارەجەلى ارىپتەستىك ورناتۋعا باعىتتالعان.

– سوڭعى جىلدارى قازاقستان مەن فرانتسيا اراسىندا جاراسىمدى ەكونوميكالىق بايلانىستار ورنىعىپ كەلەدى, – دەدى كەزدەسۋدە يمانعالي نۇرعاليۇلى. – وسىعان سايكەس كوپتەگەن جوبالار جۇزەگە اسىرىلىپ جاتىر. ەلباسىمىز دا ەكىجاقتى ىنتىماقتاستىقتى دامىتۋعا ەرەكشە ماڭىز بەرىپ وتىر. بيىل قازاقستانداعى فرانتسيا جىلى, ال كەلەسى جىل – فرانتسياداعى قازاقستان جىلى بولىپ جاريالاندى. مۇنىڭ ءوزى ەكى ەل اراسىن­داعى جارقىن بايلانىستى اڭعارتسا كەرەك.

ەلوردا اكىمى بيىل كۇزدە فرانتسيا جىلىنا بايلانىستى ناپو­لەون­نىڭ ءومىرى مەن قىزمەتىنە ارنالعان ۇلكەن كورمە وتكىزۋ جوسپارلانىپ وتىرعانىن جەتكىزدى.

استانا اكىمىنىڭ جىلى قابىلداۋىنا ريزاشىلىعىن بىلدىرگەن بەنۋا كاندەل مىرزا قوس شاھاردىڭ ءبىر-بىرىنەن ايىرماشىلىعى كوپ بولسا دا, ورتاق قۇندىلىقتارى دا بار ەكەندىگىن اتاپ ءوتىپ, بولاشاقتا استانا مەن نيتستسانى قاتار دامىتاتىن جوبالاردى بىرلەسە قولعا الۋدى ۇسىندى. سونداي-اق, ول «EXPO – 2017» حالىقارالىق كورمەسىن وتكىزۋ – استانا ءۇشىن دە, جاس مەملەكەت ءۇشىن دە ۇلكەن مارتەبە ەكەندىگىن ايتا كەلىپ, بۇل ايتۋلى شارانى ۇيىمداستىرۋدا تاجىريبەلەرىمەن بولىسۋگە ءازىر ەكەندىگىن جەتكىزدى. بۇعان قوسا, كەلەسى جىلى نيتستسادا قازاقستان بۇرىشى اشىلاتىنىن دا ايتا كەتتى.

قويناۋى تاريحقا تولى نيتستسا – تۋريستەردى ىنتىق ەتكەن بىردەن-ءبىر مەكەن. استانا اكىمىنىڭ ايتۋىنشا, جىل سايىن بۇل شاھارعا 4 ميليونعا جۋىق تۋريست كەلەدى. دەمەك, اتى اڭىزعا اينال­عان قالادا قازاقستان بۇرىشىن اشۋ – ەلىمىزدى الەمگە تانى­تاتىن ۇلكەن مۇمكىندىك. سوندىقتان استانالىق تاراپ بۇل ۇسىنىستى قۋانا قابىلداپ, تۇجىرىمداماسىن ازىرلەۋگە مۇددەلىلىك ءبىلدىردى.

يمانعالي نۇرعاليۇلى فرانتسياداعى قازاقستان جىلىنا وراي سكيف التىندارى كورمەسىن وتكىزۋدى ۇسىندى. اكىم فرانتسۋز كورەرمەندەرىن قىزىقتىراتىن ارحەولوگيالىق جادىگەرلەر مول ەكەندىگىنە توقتالىپ, بۇدان بۇرىن يتاليادا وتكەن مۇنداي كورمە جۇرتشىلىقتىڭ ايرىقشا ىقىلاسىنا بولەنگەنىن اتاپ ءوتتى.
بۇدان ءارى ەكەۋارا اڭگىمە استانا مەن نيتستسا قالالارى ارا­سىن­داعى ءبىلىم مەن مادەنيەت بايلانىستارىن نىعايتۋعا ويىسىپ, قوس تاراپ ستۋدەنت الماسۋ, كادرلار دايارلاۋ, مادەني شارا­لاردى بىرلەسە وتكىزۋ سىندى كوپتەگەن ماسەلەلەرگە كەڭىنەن توقتالدى.

دوستاستىق اكتىسىنە قول قويعان قوس شاھار قازاقستاننىڭ ەكونوميكالىق مۇددەسىن دامىتۋ ءۇشىن فرانتسۋز ريۆەراسىنان بيزنەس-كەڭسە اشۋ كەلىسىمىنە دە قول جەتكىزدى.
قۇجات اياسىندا قالالىق كولىك, يننوۆاتسيالىق تەحنولوگيالار, تەلەكوممۋنيكاتسيا مەن ەنەرگەتيكالىق قاۋىپسىزدىك باعىتىندا دا كوپتەگەن جوبالاردى بىرلەسە جۇزەگە اسىرماق.

قىمبات نۇرعالي

تاعىدا

ۇقساس جاڭالىقتار

پىكىر ۇستەۋ

Back to top button