استانا قالاسى قوعامدىق كەڭەسىنىڭ توراعاسى سانسىزباي ەسىلوۆ جۋرناليستەرمەن كەزدەستى
وسى كۇنگە دەيىن قوعامدىق كەڭەستىڭ 11 وتىرىسى ءوتىپ, وندا قالالىق اكىمدىكتىڭ جانە ءماسليحاتتىڭ نورماتيۆتىك قۇقىقتىق اكتىلەرىنىڭ 80 جوباسى تالقىلاندى.
قارالعان ماڭىزدى قۇجاتتاردىڭ ىشىندە وتكەن جىلعى استانا قالاسى بيۋدجەتىنىڭ ورىندالۋ بارىسى, 2016-2018 جىلدارعا ارنالعان استانا قالاسى بيۋدجەتىنىڭ جوباسى بار.
سونىمەن بىرگە, سوڭعى كەزدەرى حالىق نازارىن اۋدارتىپ وتىرعان باس قالانىڭ اقىلى كوشەلەرىن (ۋچاسكەلەرىن) پايدالانۋعا بەرۋ ەرەجەلەرى, ەلوردا اۋماعىنداعى اۆتوتۇراقتاردى ۇيىمداستىرۋ, قالالىق جولاۋشىلار كولىگىندە جول ءجۇرۋ تولەمىنىڭ ەلەكتروندى جۇيەسىنە كوشىرۋ, سونداي-اق ءبىلىم بەرۋ, دەنساۋلىق ساقتاۋ, اۋىل شارۋاشىلىعى, ەنەرگەتيكا, ساۋلەت جانە قالا قۇرىلى سالاسىندا مەملەكەتتىك قىزمەت كورسەتۋلەرگە قاتىستى ماسەلەلەردى قاراستىردى.
«ازاماتتىق قوعامنىڭ مۇددەلەرىن ءبىلدىرۋ جانە جەرگىلىكتى دەڭگەيلەردە شەشىمدەردى تالقىلاۋ مەن قابىلداۋ كەزىندە جۇرتشىلىقتىڭ پىكىرىن ەسكەرۋ – ءبىزدىڭ كەڭەستىڭ باستى مىندەتى.
سونىمەن قاتار, جەرگىلىكتى اتقارۋشى ورگاندار مەن جەرگىلىكتى ءوزىن-ءوزى باسقارۋ ورگاندارىنىڭ ازاماتتىق قوعاممەن ءوزارا ءىس-قيمىل جاساۋىن دامىتۋدى ارتتىرۋ ماقساتىندا باعىتىمىزدى ايقىنداپ, جۇمىسىمىزدى جۇرگىزىپ كەلەمىز» دەدى توراعا.
ايگۇل ۋايسوۆا
