قازاقستان رەسپۋبليكاسىنىڭ دەنساۋلىق ساقتاۋ مينيسترلىگىندە حالىقتىڭ دارىلىك زاتتار تۋرالى اقپاراتتىق دەڭگەيىن ارتتىرۋ بويىنشا ارەكەت ەتۋ تەتىكتەرىن ازىرلەۋ جونىندەگى جۇمىس توبى ءوز قىزمەتىن اتقارۋدا. تالقىلاۋ بارىسىندا حالىقتىڭ دارىلىك ساۋاتتىلىق دەڭگەيىن ارتتىرۋ تەتىكتەرى بويىنشا باسىم باعىتتارى ايقىندالىپ, دارىلىك زاتتاردى رەتسەپتىك بوساتۋ مەن پاتسيەنتتەردىڭ ءدارى-دارمەك كومەگىن الۋ كەزىندەگى جاۋاپكەرشىلىگى ماسەلەلەرى قارالدى. نەگىزگى ماقساتتى توپتار انىقتالىپ, ءاربىر توپقا بەيىمدەلگەن ءتيىمدى شارالار ازىرلەندى. ازاماتتاردىڭ ءوزىن-ءوزى ەمدەۋ جاۋاپكەرشىلىگىن ارتتىرۋعا, سونداي-اق دارىلىك زاتتاردى پايدالانۋداعى بىلىمدەرىن جاقسارتۋعا باعىتتالعان ءىس-شارالار – اقپاراتتىق-ءبىلىم بەرۋ, ىنتالاندىرۋ جانە رەتتەۋشى تەتىكتەر بولىپ بولىنگەن.
وسى ورايدا استانا قالاسىنىڭ مساك مەديتسينا ۇيىمدارى دەنساۋلىق ساقتاۋ باسقارماسىنىڭ قولداۋىمەن جانە ءدارى-دارمەك اقپاراتتىق-تالداۋ ورتالىعىمەن بىرلەسىپ «2012 جىلعى ۇزدىك پاتسيەنت» بايقاۋىن وتكىزدى. اتالعان بايقاۋدىڭ ماقساتى – ءوز دەنساۋلىعىنا دەگەن جاۋاپكەرشىلىكتى ودان ءارى ارتتىرۋدىڭ جانە دارىلىك زاتتاردى دۇرىس پايدالانۋدىڭ ءۋاجى. ىرىكتەۋ ديسپانسەرلىك ەسەپتە تۇرعان پاتسيەنتتەردىڭ اراسىندا جۇرگىزىلدى. «ۇزدىك پاتسيەنت» اتاعىنا ىرىكتەۋ كريتەريلەرى ءوز دەنساۋلىعىنا جاۋاپكەرشىلىك, دارىگەردىڭ بارلىق تاعايىنداۋلارى مەن ۇسىنىستارىن ورىنداۋ, تاماقتانۋ مەن ديەتا رەجيمىن ساقتاۋ, جاعىمسىز ادەتتەردىڭ جوقتىعى, بازالىق پرەپاراتتاردى تۇراقتى قابىلداۋ, قانداعى قانتتىڭ, حولەستەريننىڭ, تريگليتسەريدتەردىڭ دەڭگەيىنىڭ تومەندەۋى, جىل بويى نەگىزگى اۋرۋدان بولاتىن اسقىنۋلاردىڭ جوقتىعى, قارالۋعا جانە تەكسەرىلىپ-قارالۋعا تۇراقتى كەلىپ تۇرۋى بولىپ تابىلادى.
وسىلايشا, بايقاۋدىڭ جەڭىمپازدارى بولىپ نيسەنكو ليديا گريگورەۆنا (№1 قە), كۇلان مۇسىلمانبەكقىزى وسپانوۆا (№2 قە), اقمارال امانجولقىزى تۇسكەن (№3 قە), پاك الەكسەي پانەسەكوۆيچ (№4 قە), ماكوۆسكي ۆالەري الەكساندروۆيچ (№5 قە), ششەبەت نينا يۆانوۆنا (№6 قە), ءابدىراحامان ساتىباي قاجىمۇراتۇلى (№8 قە), ۆوستريكوۆ ن.يا. (تەمىرجول ەمحاناسى), اسەل جانبولاتقىزى دۇيسەباەۆا («دەمەۋ» ودا) تالقىلاندى.
ۇزدىكتەردىڭ ءوز دەنساۋلىعىنا دەگەن جاۋاپكەرشىلىگى ولاردىڭ كۇندەلىكتى ومىرىنەن باستاۋ الادى. مىسالى ليديا گريگورەۆنا ومىرلىك ۇستانىمىن «ۇزاق ءومىر سۇرگىڭ كەلسە, ومىرگە دەگەن قۇشتارلىعىڭدى جانە باسقالارعا دەگەن قامقورلىعىڭدى ساقتاي ءبىل» دەگەن ماعىنالى سوزدەرمەن ايقىندايدى. الەكسەي پانەسەكوۆيچ تەمەكى شەگۋدى قويدى. ۆالەري الەكساندروۆيچ № 5 ەمحانانىڭ قوعامدىق ومىرىنە بەلسەندى ارالاسادى جانە «ارتەريالدى گيپەرتەنزيا» مەكتەبىنە بارادى. نينا يۆانوۆنا كۇندە تاڭ ەرتەڭ جاياۋ سەرەۋەندەۋدى ۇناتادى, تاماقتانۋ بويىنشا ۇسىنىستاردى ساقتايدى جانە 6 كەلى ارىقتاعان. ساتىباي قاجىمۇراتۇلى ءوزىنىڭ 71 جاسىندا باسسەيندە ءجۇزىپ, الىس قاشىقتىقتارعا ءجيى جاياۋ جۇرەدى, № 8 ەمحاناداعى «بەلسەندى ۇزاق ءومىر» كلۋبىنا قاتىسادى. اقمارال تۇسكەن – استانالىق جوو-نىڭ ستۋدەنتى. ءوزىنىڭ قاۋىپتى اۋرۋىنا قاراماستان, دەنساۋلىعىنا ۇلكەن جاۋاپكەرشىلىكپەن قارايدى جانە تەك جاقسىلىققا عانا ءۇمىت ارتادى.
«ۇزدىك پاتسيەنت» بايقاۋىنىڭ بارلىق جەڭىمپازدارىنا ەستەلىك سىيلىقتار مەن گۇلدەر تابىس ەتىلىپ, ارنايى قابىرعا گازەتتەرى شىعارىلدى.
قر دسم دەنساۋلىق ساقتاۋدى دامىتۋ رەسپۋبليكالىق ورتالىعىنىڭ ءدارى-دارمەك اقپاراتتىق-تالداۋ ورتالىعى بايقاۋدىڭ بارلىق جەڭىمپازدارىن قۇتتىقتايدى جانە بارلىق قازاقستاندىقتارعا زور دەنساۋلىق, ۇزاق ءومىر جانە جەتىستىكتەر تىلەيدى. اتالعان ءىس-شارا بارلىق دەنساۋلىق ساقتاۋ سالاسى مەن ءوز دەنساۋلىعىنا جاۋاپكەرشىلىكپەن قارايتىن ازاماتتار ءۇشىن وتە ماڭىزدى بولدى. بۇل كەلەلى ءىس جىل سايىن جالعاسپاق.
2011 جىلدان باستاپ ءدارى-دارمەك اپاراتتىق-تالداۋ ورتالىعىنىڭ حالىققا ارنالعان بىرىڭعاي تەلەفون جەلىسى جۇمىس ىستەيدى – 8 800 080 88 87. قازاقستان شەگىندە ءاربىر ستاتسيونارلىق تەلەفوننان كەلىپ تۇسكەن قوڭىراۋ تەگىن. ءاربىر ادام دارىلىك پرەپاراتتار تۋرالى جانە مەديتسينالىق كومەكتىڭ كەپىلدەنگەن كولەمى شەڭبەرىندە تەگىن ءدارى-دارمەك الۋعا قۇقىقتارى جايلى, پرەپاراتتاردىڭ تيىمدىلىگى مەن كەرى جاناما اسەرلەردىڭ مۇمكىندىكتەرى تۋرالى تولىق اقپاراتتى الا الادى.
2012 جىلى تۇرعىنداردان 22 450 ساۋال كەلىپ تۇسكەن. حابارلاسقان تۇرعىنداردىڭ 51%-ىن دارىلىك پرەپاراتتاردى قولدانۋ ماسەلەسى قىزىقتىرادى. پرەپاراتتاردىڭ قۇنى, قاي جەردەن ساتىپ الۋ كەرەك جونىندەگى سۇراقتار, ەمدەلۋ, نورماتيۆتىك-قۇقىقتىق اكتىلەر جونىندەگى سۇراقتار 21%-دى قۇرايدى. ال, تەگىن مەديتسينالىق كومەكتىڭ كەپىلدەنگەن كولەمى شەڭبەرىندەگى ازاماتتاردىڭ قۇقىقتارى بويىنشا تۇسكەن ساۋالدار ۇلەسى – 11%, پرەپاراتتاردى اۋىستىرۋ ماسەلەلەرى بويىنشا – 9%, دالەلدى مەديتسينا بويىنشا – 8%.
وسىنداي دەرەكتەر ازاماتتاردىڭ ءوز دەنساۋلىعىنا دەگەن جاۋاپكەرشىلىگىنىڭ ارتقانىن دالەلدەيدى. سونداي-اق دارىگەر جازىپ بەرگەن ەرەجەلەردى ساقتاپ, ءوز قۇقىقتارىن ءبىلۋگە دەگەن ىنتاسىنىڭ ارتۋى دەپ بىلەمىز.
وزدەرىڭىزدى ساقتاڭىزدار جانە دەندەرىڭىز ساۋ بولسىن!
مەديتسينا قىزمەتكەرلەرىنە ارنالعان قوسىمشا اقپارات
ليتسەنزيالاۋ ءۇردىسىن اۆتوماتتاندىرۋ جانە ليتسەنزيار-مەملەكەتتىك ورگاندار مەن بيزنەس-قاۋىمداستىقپەن ءوزارا اقپاراتتىق ارەكەتتەسۋدەگى ءتيىمدى, ايقىن مەحانيزمىن قامتاماسىز ەتۋ ماقساتىندا «ۇلتتىق اقپاراتتىق تەحنولوگيالار» اق قازاقستان رەسپۋبليكاسى دەنساۋلىق ساقتاۋ مينيسترلىگى مەديتسينالىق جانە فارماتسەۆتيكالىق قىزمەتتى باقىلاۋ كوميتەتىنىڭ استانا قالاسى بويىنشا دەپارتامەنتىمەن (بۇدان ءارى – دەپارتامەنت) بىرلەسىپ «ە-ليتسەنزيالاۋ» مەملەكەتتىك دەرەكتەر بازاسى پايدالانۋعا بەرىلدى.
ليتسەنزيالاردى بەرۋ جانە وسىعان قوسىمشا, تەلقۇجاتتى (كوشىرمەسىن) جانە ليتسەنزيانى جانە/نەمەسە وسىعان قوسىمشانى قايتا راسىمدەۋ «ە-ليتسەنزيالاۋ» مەملەكەتتىك دەرەكتەر بازاسى اقپاراتتىق جۇيەسىندە (بۇدان ءارى – ەل مدب اج) جاسالادى.
بۇل كاسىپكەرلىك قىزمەت جانە تا-ۋارلاردى اكەلۋ/اكەتۋ سالالالارىنداعى مالىمەتتەردى اۆتوماتتى تۇردە جيناۋ (ەنگىزۋ), وڭدەۋ, وزەكتەندىرۋ, ساقتاۋ جانە تالداۋعا ارنالعان اقپاراتتىق جۇيە. ونىڭ نەگىزگى فۋنكتسيالارى – قر-دا بەرىلگەن, ۋاقىتشا توقتاتىلعان جانە قايتارىلىپ الىنعان ليتسەنزيالاردى بەرۋگە بىرىڭعاي ەسەپكە الۋ جانە ليتسەنزيالاردى, ەسەپتەر مەن ليتسەنزيالاردىڭ بولۋى تۋرالى دەرەكتەردى تەكسەرۋ ءۇشىن وتىنىشتەردى بەرۋ ءۇردىسىن اۆتوماتتاندىرۋ.
ءومىردىڭ قارقىندى قادامدارى مەن حالىقتىڭ جوعارى دەڭگەيدە جۇمىستى بولۋىن ەسكەرسەك, بۇگىنگى كۇنى ەلەكتروندىق قىزمەتتەردىڭ وسى ءتۇرىن كورسەتۋ وزەكتى ماسەلە بولىپ تۇر. ينتەرنەتكە رۇقسات باعالارى ۇدايى تومەندەپ جاتقانى وسى جۇيە ارقىلى قىزمەت الۋ حالىقتىڭ اقپاراتتىق ساۋاتتىلىعىن كوتەرۋگە ىقپال ەتەدى. بۇل وسى سياقتى شەشىمدەردى web-تەحنولوگيالار بازاسىندا ەنگىزىپ, ءتيىمدى پايدالانۋعا مۇمكىندىك بەرەدى.
وسىنداي قىزمەتتى ەنگىزۋ مەملەكەتتىك ليتسەنزيالاردى الۋ ءۇردىسىن قاراپايىم جانە جىلدام ەتىپ قانا قويماي, ازاماتتاردىڭ وكىلەتتى ورگانداردىڭ قىزمەتكەرلەرىمەن جەكە قارىم-قاتىناستارىن جوققا شىعارىلۋ ارقىلى سىبايلاس جەمقورلىققا جول بەرمەۋدىڭ بىردەن-ءبىر شەشىمى. وعان قوسا, web-پورتالدا ءنورماتيۆتى-قۇقىقتىق قۇجاتتار مەن ءتۇرلى نۇسقاۋلىقتاردى جاريالاۋ جۇيەسى ازاماتتارعا ليتسەنزيانى الۋ ءتارتىبىن جەتكىزىپ, دۇرىس ەمەس نەمەسە تولىق قالىپتاستىرىلماعان وتىنىشتەردى جوققا شىعارۋدى جانە اكىمشىلىك كەدەرگىلەر دەڭگەيىن تومەندەتۋگە مۇمكىندىك بەرەدى.
«ە-ليتسەنزيالاۋ» جوباسى شەڭبەرىندە رەسپۋبليكالىق كولەمدە نەمەسە قولدانىستاعىلاردى ينتەگراتسيالاۋ ارقىلى مەملەكەتتىك ليتسەنزيالاردى بەرەتىن وكىلەتتى مينيسترلىكتەردىڭ, ۆەدومستۆولاردىڭ (اۋماقتىق ءبولىمشەلەردى قوسا), جەرگىلىكتى اتقارۋشى ورگانداردىڭ, سونداي-اق ليتسەنزيالاۋ سالاسىنداعى باقىلاۋدى جۇزەگە اسىرۋ ءۇشىن بيزنەس ۇردىستەردى اۆتوماتتاندىرۋمەن سيپاتتالاتىن اج جاسالادى.
قازىرگى ۋاقىتتا دەپارتامەنت وتىنىشتەردى قاعاز تاراتۋشىلاردا دا, ەلەكتروندى تۇردە دە قابىلدايدى. ليتسەنزيا الۋعا تالاپتانعان ۇيىمدار قۇجاتتاردىڭ تولىق پاكەتىن (نوتارياۋس راستاعان جارعى قۇجاتتارى, بىلىكتىلىك تالاپتارعا سايكەستىلىگىن راستايتىن قاعازدارىن) ۇسىنۋى قاجەت. ءوتىنىشتى «ە-ليتسەنزيالاۋ» ۆەب-پورتالى ارقىلى سكانەردەن وتكىزىلگەن قۇجاتتاردى قوسا بەرىپ تاپسىرۋعا بولادى. ليتسەنزيات بار-كود تۇسىرىلگەن, ديرەكتوردىڭ ەلەكتروندى-ساندىق قولىمەن راستالعان ەلەكتروندىق ليتسەنزيانى الا الادى.
جاڭا قىزمەتتىڭ ىڭعايلىلىعى الەۋەتتى ليتسەنزيات پورتال ارقىلى ونىڭ ءوتىنىشىن قاراۋ دەڭگەيى تۋرالى: كەڭسەگە ءتۇستى مە, توراعانىڭ الدىندا جاتىر ما, ليتسەنزيالاۋ ءبولىمىنىڭ ساراپشىلارى قاراپ جاتىر ما, الدە ليتسەنزيا بەرۋ تۋرالى (بەرۋدەن باس تارتۋ) تۋرالى شەشىم قابىلداندى ما – وسىلار تۋرالى كەز كەلگەن ۋاقىتتا بىلە الادى.
قازاقستان رەسپۋبليكاسى دەنساۋلىق ساقتاۋ ءمينيسترلىگى مەديتسينالىق جانە فارماتسەۆتيكالىق قىزمەتتى باقىلاۋ كوميتەتىنىڭ 2012 جىلعى 27 قاڭتارداعى №155/229 حاتىنا سايكەس قر پرەمەر-ءمينيسترىنىڭ تاپسىرىسى شەڭبەرىندە ليتسەنزيالاۋ سالاسىندا قىزمەتتەردى بالاماسىز جولمەن ەلەكتروندى فورماتتا كورسەتۋ جانە مەملەكەتتىك قىزمەتتەردى كورسەتۋ بويىنشا بيزنەس ۇردىستەردى وڭتايلاندىرۋ ءۇشىن جوعارىدا كورسەتىلگەن ءىس-شارالار جۇزەگە اسىرىلىپ جاتىر.
قر دسم «دەنساۋلىق ساقتاۋدى دامىتۋ رەسپۋبليكالىق ورتالىعى» شجق رمك
ءدارى-دارمەك اقپاراتتىق-تالداۋ ورتالىعى
جۇمىس كۇندەرى استانا ۋاقىتى بويىنشا ساعات 9.00-دەن 18.00-گە دەيىن قوڭىراۋ شالىڭىزدار – 8 800 080 88 87 (قوڭىراۋ شالۋ تەگىن).
تولىق اقپارات www.druginfo.kz سايتىندا
