استانا قالاسىنىڭ جۇمىسپەن قامتۋ جانە الەۋمەتتىك باعدارلامالار باسقارماسى «مەنىڭ ەلىم» ءىشكى ءتۋريزمدى دامىتۋ جونىندەگى قاۋىمداستىعىمەن بىرلەسىپ اعىمداعى جىلدىڭ 16 ناۋرىزىندا ساعات 11.00-دەن 14.00-گە دەيىن ل.ن.گۋميلەۆ اتىنداعى ەۇۋ وقىتۋ-اكىمشىلىك كورپۋسىندا تۋريزم سالاسىندا بوس لاۋازىمدار جارمەڭكەسىن ءوتكىزەدى.
ءىس-شارانىڭ ماقساتى جۇمىسسىزداردى جۇمىسقا ورنالاستىرۋ عانا ەمەس, سونداي-اق, اتالعان سالانىڭ كاسىبىن تانىتۋ بولىپ تابىلادى. ءىس-شاراعا وسى سالاداعى ماماندىقتار بويىنشا وقىتۋعا تارتۋ ماقساتىندا مەكتەپتىڭ تۇلەكتەرى شاقىرىلاتىن بولادى. وقۋشىلار ەلوردادا «حيلتون», «مەريوت» سەكىلدى الەمدىك اتتارىمەن سالىنىپ جاتقان قوناق ءۇي, تۋريزم سالاسىندا قاجەتتى كاسىپتەر تۋرالى كورنەكى تۇردە اقپاراتتاندىرىلادى. اتالعان ءىس-شارانى وتكىزۋ ەحرو-2017 ءجارمەڭكەسى ءۇشىن كادرلار دايارلاۋ جانە تۋريستىك سالانى ودان ءارى كەڭەيتۋ بويىنشا ىقپال ەتەتىن بولادى.
استانا قالاسىنىڭ جۇمىسپەن قامتۋ جانە الەۋمەتتىك باعدارلامالار باسقارماسى
