باستى اقپاراتەلوردا تىنىسى

استانا – تۋريستەرگە تارتىمدى قالا

ەلوردا تۋريستەر ءۇشىن تارتىمدى قالانىڭ بىرىنە اينالىپ وتىر. كۇن وتكەن سايىن ساۋلەتى مەن داۋلەتى وركەندەگەن ەلوردامىزدا سان الۋان حالىقارالىق فورۋمدار مەن بايراقتى جارىستار ءوتىپ تۇرادى. بۇگىنگى تاڭدا باس قالامىزدىڭ شەتەلدىك جانە وتاندىق تۋريستەرگە تارتىمدىلىعىن ارتتىرۋ ءۇشىن قاجەتتى جاعداي جاساۋ استانا قالاسى اكىمدىگى جۇمىسىنىڭ باسىمدى باعىتتارىنىڭ ءبىرى سانالادى.

جاقىندا استانالىق ءتۋريزمنىڭ ساپاسىن ارتتىرۋعا ارنالعان ءبىر ءىس-شارانىڭ قورىتىندىسى شىعارىلدى. ونىمدەر مەن قىزمەت كورسەتۋ ساپاسىمەن ەرەكشەلەنگەن ەلوردالىق تۋريستىك كومپانيالار «Visit Astana» سەرىكتەستىك باعدارلاماسىنىڭ العاشقى قاتىسۋشىلارى اتانىپ, وتاندىق ءتۋريزمنىڭ الەۋەتىن ارتتىرۋعا اتسالىسقانى ءۇشىن سالتاناتتى تۇردە ماراپاتتالدى.

ءىس-شارا «Visit Astana» باعدارلاماسى اياسىندا العاش رەت وتكىزىلدى. بۇل باعدارلاما قالالىق تۋريستىك كومپانيالار كورسەتەتىن قىزمەتتىڭ ساپاسىن ارتتىرۋ جانە دەڭگەيىن جەتىلدىرۋگە باعىتتالادى. ونىڭ قاتىسۋشىلارى رەتىندە قالاداعى قوناق ۇيلەر, قوعامدىق تاماقتانۋ ورىندارى مەن تۋريستىك وپەراتورلار تىركەلدى.

جيىندى «اتامەكەن» ۇكپ فيليالى, «Astana Invest» قالالىق ينۆەستيتسيالاردى دامىتۋ ورتالىعى» جانە «قازاق تۋريزم» ۇلتتىق كومپانياسى بىرلەسىپ ۇيىمداستىرىپ, قاتىسۋشىلاردى سەرتيفيكاتسيادان وتكىزدى.

«Astana Invest» قالالىق ينۆەس­تيتسيالاردى دامىتۋ ورتالىعى باسقارما توراعاسىنىڭ ورىنباسارى جالعاس مولجىگىت بۇل باستاما الەمدىك تاجىريبە نەگىزىندە قولعا الىنعانىن ايتتى.

مەكەمەلەردىڭ قىزمەت دەڭگەيىن باعالاۋ ناتيجەلەرى بويىنشا تۋريستىك سالاداعى 30 كاسىپورىننىڭ ىشىندە «Visit Astana» Comfort Excellent ساناتىندا «Rixos President Astana», «Sheraton Astana», «Radisson», «The Ritz-Carlton Astana», «The St. Regis Astana», «Astana Marriott», «Hilton Astana» قوناق ۇيلەرى ماراپاتتالدى. ال «Visit Astana» Taste Excellent ساناتىنا «Monocle», «DAMI» كافەسى مەن «Eleven Gastrodom» مەيرامحاناسى لايىق دەپ تانىلدى.

سونداي-اق «Visit Astana» Comfort Plus بەلگىسىن «Ramada by Wyndham Astana», «Radisson», «Alanda», «Wyndham Garden Astana», «Goldman Empire», «Comfort Hotel Astana» قوناق ءۇيى مەن «بالقاراعاي» دەمالىس ورنى الدى. «Visit Astana» Taste Plus ساناتىندا ەكى ۇزدىك دەپ «Legends Pub» پەن «مياتا Edition» بارى تانىلدى.

«Aykun Hotel», «Ibis Astana», «Grace Point Hotel», «Hilton Astana Triumphal Arch», «ديپلومات» قوناق ءۇيى «Visit Astana» Comfort ساناتىندا توپ جاردى. «Visit Astana» Taste بەلگىسى «Mumtaz» مەيرامحاناسى, «Nurorda Food» اسحانالار جەلىسى, CULTÜRA Bar & Kitchen كافەسىنە بەرىلدى.

ال «Empire Travel Qazaqstan» جشس – «Visit Astana» Support ساناتىنداعى جالعىز تۋريستىك وپەراتور.

«Rixos President Astana» قوناق ءۇيىنىڭ ساتۋ ءبولىمىنىڭ باسشىسى ۆيولا لي ءاربىر قوناق ءۇي ءۇشىن ءوز اتىنا ساي بولاتىن بەلگىلى ءبىر ساپا ستاندارتتارى بار ەكەنىن اتاپ ءوتتى.

– ءبىز «Visit Astana» جوباسىنىڭ يدەياسىن بىردەن قولدادىق. بۇل – كەز كەلگەن قالا ءۇشىن, اسىرەسە استانا ءۇشىن جاڭاشىل باستاما. ءبىزدىڭ قوناق ءۇي ىرىكتەۋدەن ءوتىپ, لايىقتى ماراپاتقا يە بولدى. سەرتيفيكات كەلۋشىلەردىڭ بەس جۇلدىزدى قوناق ۇيدەن كۇتەتىن قىزمەتتەردى الۋىن قامتاماسىز ەتەدى. ارينە, وسى ارقىلى كوپتەگەن قوناق پەن ءتۋريستى تارتۋعا مۇمكىندىك بولادى, – دەدى ول.

«Visit Astana» باعدارلاماسىنىڭ تاعى ءبىر ارتىقشىلىعى – سەرتيفيكاتسيادان وتكەن كومپانيالار رەسپۋبليكالىق دەڭگەيدە ۇزدىك دەپ تانىلىپ قانا قويماي, شەتەلدىك تۋريستەردىڭ اراسىندا جارنامالانىپ, ۇيىمداستىرۋشىلار تاراپىنان قولداۋ تابادى.

تاعىدا

ينديرا بەرجانوۆا

«استانا اقشامى» گازەتىنىڭ ءتىلشىسى

ۇقساس جاڭالىقتار

پىكىر ۇستەۋ

Back to top button