باس قالا تۇرعىندارىنىڭ ىشىنەن ءوز ىسىنە ادال, ەڭبەگى حالىقتىڭ كوڭىلىنەن شىققان جانداردى كوپشىلىككە تانىتۋدى ماقسات ەتكەن «استانا تاڭداۋى» بايقاۋى ءوز مارەسىنە جەتتى. قالا تۇرعىندارى ۇدەدەن شىققان ۇزدىكتەردىڭ ەسىمىن انىقتادى.
وسىدان ءبىر جارىم اي بۇرىن باستالعان بايقاۋعا قالا تۇرعىندارىنان 170 ءوتىنىم كەلىپ تۇسكەن. ەلوردالىقتار استانا قالاسى اكىمدىگىنىڭ سايتىنا كىرىپ, وزدەرى قالاعان ماماندىق يەلەرىنە ونلاين رەجيمىندە داۋىس بەردى.
جيىرما كۇننىڭ ىشىندە داۋىس بەرۋگە 90 مىڭعا جۋىق ادام قاتىسقان.
سونىمەن, جەڭىمپازداردىڭ ەسىمىن اتاساق, «ۇزدىك پەداگوگ» اتاعىنىڭ يەگەرى رايىمبەك باتىر اتىنداعى №50 «قازعارىش» مەكتەپ-ليتسەيىنىڭ مۇعالىمى رابيعا يمانقۇلوۆا بولدى. وعان جيىرما مىڭنان استام ادام داۋىس بەرگەن. ادام جانىنا اراشا تۇسەتىن دارىگەرلەر قاشان دا قۇرمەتكە لايىق. №1 قالالىق اۋرۋحانا قىزمەتكەرى, 23 جىلدىق ەڭبەك ءوتىلى بار مارات ابدۋلوۆ «ۇزدىك دارىگەر» اتالىمىندا جەڭىمپاز دەپ تانىلدى.
ءتارتىپ ساقشىلارىنىڭ اراسىنان «ۇزدىك ۋچاسكەلىك ينسپەكتور» اتاعىن سارىارقا اۋدانىنىڭ 24 جاستاعى ۋچاسكەلىك ينسپەكتورى مۇرات شيرتاەۆ يەلەندى. «№1 اۆتوبۋس پاركىنىڭ» قوعامدىق كولىك جۇرگىزۋشىسى قانات قۇلتاەۆ ءوز سالاسىنىڭ ۇزدىگى اتاندى. جول جوندەۋشى ۆياچەسلاۆ شەۆچەنكو بۇل بايقاۋدا 72 داۋىس الدى. وسى جەتىستىكپەن «قازاقاۆتوجول» اقمولا فيليالىنىڭ قىزمەتكەرى, 32 جىلدىق ەڭبەك ءوتىلى بار قۇرمەتتى ازامات «ۇزدىك جولشى» اتاندى. «استانا-جىلۋترانزيت» اق-نىڭ رەتتەۋ جانە تۇتىنۋشىلاردى ەسەپكە الۋ قىزمەتىنىڭ باستىعى راۋزا كاكىموۆا «ەنەرگەتيك» اتالىمى بويىنشا ۇزدىكتەر قاتارىنان كورىندى. ال ۇزدىك قۇرىلىسشىعا – 1 734 ادام داۋىس بەرگەن. مۇنداي اتاققا «التىن ححI» جشس قىزمەتكەرى سۇندەت ءىزباسارۇلى ۇمبەتوۆ يە بولدى.
وسىلايشا جەتى ماماندىقتىڭ ءۇزدىك وكىلدەرى ەلگە تانىمال بولدى.
استانا اكىمدىگى سايتىنداعى حالىقتىق داۋىس بەرۋ جۇيەسى تەك ءبىر ادامعا ءبىر رەت ەلەكتروندى داۋىس بەرۋگە مۇمكىندىك تۋعىزدى. وسى تۇرعىدان العاندا, داۋىس بەرۋ وتە شىنايى جانە ادىلەتتى ءوتتى.
جالپىقالالىق «استانا تاڭداۋى» بايقاۋىنىڭ جەڭىمپازدارى 6 شىلدە كۇنى كونگرەسس-حولل سارايىندا ارنايى ماراپاتتالادى.
گۇلميرا ايماعانبەت
