جازدىڭ سوڭعى ايى دا اياقتالۋعا جاقىن. سوندىقتان ءار دەمالىستى قىزىقتى ءارى پايدالى وتكىزۋ ابزال. استانا تۇرعىندارى مەن قوناقتارى, نازارلارىڭىزعا ەلوردامىزدا وسى دەمالىس كۇندەرى وتەتىن ءىس-شارالار ءتىزىمىن ۇسىنامىز.
بۇگىنگى شىعارما – ەرتەڭگى تاريح
ەلورداداعى تاۋەلسىزدىك سارايىندا قالالىق مادەنيەت باسقارماسى مەن «Aray Gallery» ۇيىمىنىڭ مۇرىندىق بولۋىمەن «Astana. Evolution» فوتوكورمەسى ءوتىپ جاتىر.
وندا باس شاھاردىڭ ءارتۇرلى راكۋرستان تۇسىرىلگەن سۋرەتتەرى قويىلعان. ولارعا قاراپ زاماناۋي تەحنيكا مەن الەمدىك قاۋىمداستىقتاردىڭ قازىرگى فوتوونەرگە ىقپالىن بىردەن بايقايسىز.
ەلوردانى جاڭا ءارى كونە نۇسقادا, ءتورت مەزگىلدە, كۇندىز جانە تۇندە, كوپتەگەن ارحيتەكتۋرالىق ستيلدە «شىرت ەتكىزگەن» فوتوگرافتاردىڭ شەبەرلىگىنە شىنىمەن-اق ءتانتى بولاسىز.
كورمەگە بەيبىت اسەمقۇل, مارجان ءابىلدينا, دارحان شايماردانوۆ, ايبەك احانوۆ, ايدوس ەسماعامبەتوۆ, عاني ومىربەكوۆ, دامير ارىنوۆ, مارتين ريۆازي سەكىلدى تانىمال فوتوگرافتاردىڭ تۋىندىلارى قويىلعان.
ۋاقىتى: 20-21 تامىز.
وتەتىن ورنى: تاۋەلسىزدىك سارايى
جەكسەنبى سايىن جاتتىعۋ
بۇقارالىق سپورتقا باسىمدىق بەرىلگەن باس قالامىزدا جاتتىعۋعا جانى قۇمار قالا تۇرعىندارى ءۇشىن ءار جەكسەنبىدە «Fitness Park Astana» شاراسى ۇيىمداستىرىلادى.
بۇل كۇنى ورتالىق ساياباققا كەلگەن كىسىلەر تاجىريبەلى فيتنەس نۇسقاۋشىلاردىڭ باعىتىمەن تازا اۋادا كروسسفيتپەن جانە يوگامەن اينالىسادى. ال بيگە اۋەس جاندار لاتىنامەريكالىق ىرعاقتارمەن زۋمبا ءبيىن بيلەيدى.
سونىمەن قاتار, اتالمىش اكتسيا اياسىندا «Combat Battle», دجيۋ-دجيتسۋ جاتتىعۋ الاڭدارىندا جەكپە-جەك ونەرىن ۇيرەنۋگە دە بولادى.
ۋاقىتى: 21 تامىز, ساعات 10.00-12.00.
وتەتىن ورنى: استانالىق ساياباق.
استانا – فوتوگرافتار كوزىمەن
قازاقستان رەسپۋبليكاسىنىڭ ۇلتتىق مۋزەيىندە «بولاشاققا كوزقاراس: ماڭىزدى مۇرا» كورمەسى ءوتىپ جاتىر.
«بۇل جوبانىڭ ماقساتى – ونەر الاڭىندا قىزمەت ەتىپ جۇرگەن وتاندىق سۋرەتشىلەردىڭ شىعارماشىلىعىن ناسيحاتتاۋ. ولار بۇگىندە شەتەلدە كەڭىنەن تانىمال», – دەيدى اتالمىش مەكەمەنىڭ قازىرگى زامانعى ونەر ورتالىعى جەتەكشىسى روزا ابەنوۆا.
تامىزدىڭ 23-ىنە دەيىن جالعاساتىن كورمەگە ساكەن نارىنوۆ, راشيد نۇرەكەەۆ, ەلەنا ۆوروبەۆا, يۋليا سوروكينا, ساۋلە دۇيسەنبينوۆا سەكىلدى بەلگىلى قىلقالام شەبەرلەرىنىڭ تۋىندىلارى قويىلعان.
ۋاقىتى: كۇندەلىكتى 10.00-18.00. دۇيسەنبى – دەمالىس.
كوسباسشىلىق بويىنشا ترەنينگ
استانادا اتاقتى اقش وراتورى جانە كەڭەسشى توم شرايتەردىڭ كوسباسشىلىق بويىنشا ترەنينگى وتەدى.
ۋاقىتى: 21 تامىز
وتەتىن ورنى: تاۋەلسىزدىك سارايى
بال كورمەسى
ەلوردادا دەمالىس كۇندەرى «مۋسيحيندەر اۋلەتىنىڭ بال الەمى» اتتى بال كورمەسى وتەدى.
ۋاقىتى: 20-21 تامىز, ساعات 10.00.
وتەتىن ورنى: «جاستار» سارايى.
