باعدارلاما بارىسىندا قازاقتىڭ اسىق پەن ارقان تارتىسى, سونداي-اق, باشقۇرتتاردىڭ «جۇمىرتقانى قاسىققا سالىپ جۇگىرۋ», بەلارۋستەردىڭ «كارتوپ وتىرعىزۋ», تاجىك حالقىنىڭ «اسپاكبوزي» سىندى ويىندار ويناتىلدى.
بۇگىن ەل تاۋەلسىزدىگىنىڭ 25 جىلدىعى قۇرمەتىنە «جاستار» سارايىندا حالىق ويىندارىنىڭ ءىى قالالىق فەستيۆالى ءوتتى. «ۇلكەن ەل – ۇلكەن وتباسى» جالپىۇلتتىق جوباسى شەڭبەرىندەگى ءىس-شارانىڭ ۇيىمداستىرۋشىلارى – استانا قالاسى قازاقستان حالقى اسسامبلەياسى مەن اكىمدىككە قاراستى «قوعامدىق كەلىسىم» مەكەمەسى.
«بىلتىر العاش رەت وتكەن بۇل فەستيۆال استانالىقتاردىڭ كوڭىلىنەن شىعىپ, بيىل «حالىق ويىندارىنا» قىزىعۋشىلىق تانىتقاندار قاتارى كوبەيە ءتۇستى. ماسەلەن بۇگىن قۇرد, قىرعىز, وزبەك, تاتار, باشقۇرت, نەمىس, بەلارۋس سىندى ەتنومادەني بىرلەستىكتەر مەن ەلوردالىق اۋلا كلۋبتارىنىڭ وقۋشىلارىنان قۇرالعان 7 توپ قاتىسادى. بۇل – بالالاردىڭ كوڭىلىن كوتەرەتىن ويىندار عانا ەمەس, ءار ۇلتتىڭ مادەنيەتى ارقىلى جاس بۋىندى ىنتىماق-بىرلىككە تاربيەلەيتىن تاعىلىمدى جۇزدەسۋ», – دەيدى استانا قالاسى قازاقستان حالقى اسسامبلەيا حاتشىلىعىنىڭ مەڭگەرۋشىسى ءلاززات قۇسايىنوۆا.
باعدارلاما بارىسىندا قازاقتىڭ اسىق پەن ارقان تارتىسى, سونداي-اق, باشقۇرتتاردىڭ «جۇمىرتقانى قاسىققا سالىپ جۇگىرۋ», بەلارۋستەردىڭ «كارتوپ وتىرعىزۋ», تاجىك حالقىنىڭ «اسپاكبوزي» سىندى ويىندار ويناتىلدى. ال, مەرەكەلىك ساحنادا قازاقستان, تۋعان جەر تاقىرىبىنداعى پاتريوتتىق اندەر شىرقالىپ, ۇلتتىق بيلەر كورىنىس تاپتى.
ءمادينا جاقىپ
